Video
Read full review
2019-03-17
133 views
▬ ▬ ▬ .令人回味嘅黑毛豬叉燒▬ ▬ ▬ .之前要同屋企人係度飲茶，中午嘅時候，一路食點心，一路望住為多利亞港嘅醉人美景，上一次嘅用膳經驗已經非常愉快，成家都食得好滿意。過咗一排，媽咪又話想再食多次黑木西班牙黑毛豬叉燒。既然屋企人有要求，一定會盡量滿足，況且呢間中菜廳，不但環境靚，食物質素真係有水準，所以事隔一個月再來幫襯。。今天晚上，由於有部份位置，大排筵席，所以晚飯小菜的地方便縮小了，話雖如此，餐廳也差不多八成滿，而且有很多也是一家大細來進食。晚上看到看到的維港景色更是醉人，再這樣舒適的環境下進食，心情也豁然開朗。。❤️好食嘅叉燒真係可遇不可求❤️西班牙黑毛豬叉燒$168 例不需要多作介紹，賣相已經滿分，色澤亮麗，唔會有太多色素，肥瘦均勻，咬落不黏口，幾美味。.西班牙黑毛豬，比一般我們吃到的叉燒更加爽口，所以特別美味。.▪️避風塘牛柳粒$118 （必食推介）呢一碟餸，真係無法抗拒，因為非常香口，個人已經可以一口氣吃下¾碟。牛柳粒上枱時熱辣辣，炸到香脆咬落去冇渣亦都冇筋，好入味，真係超級好食，另牛柳粒旁喺炸茄子，食咗幾粒都完全唔覺得係茄子，口感好軟棉棉又滑溜，而且一點也不油膩，因為係避
▬ ▬ ▬ .令人回味嘅黑毛豬叉燒▬ ▬ ▬ .
之前要同屋企人係度飲茶，中午嘅時候，一路食點心，一路望住為多利亞港嘅醉人美景，上一次嘅用膳經驗已經非常愉快，成家都食得好滿意。過咗一排，媽咪又話想再食多次黑木西班牙黑毛豬叉燒。
既然屋企人有要求，一定會盡量滿足，況且呢間中菜廳，不但環境靚，食物質素真係有水準，所以事隔一個月再來幫襯。
。
今天晚上，由於有部份位置，大排筵席，所以晚飯小菜的地方便縮小了，話雖如此，餐廳也差不多八成滿，而且有很多也是一家大細來進食。晚上看到看到的維港景色更是醉人，再這樣舒適的環境下進食，心情也豁然開朗。
。
❤️好食嘅叉燒真係可遇不可求❤️
西班牙黑毛豬叉燒$168 例
不需要多作介紹，賣相已經滿分，色澤亮麗，唔會有太多色素，肥瘦均勻，咬落不黏口，幾美味。
.
西班牙黑毛豬，比一般我們吃到的叉燒更加爽口，所以特別美味。
.
▪️避風塘牛柳粒$118 （必食推介）
呢一碟餸，真係無法抗拒，因為非常香口，個人已經可以一口氣吃下¾碟。
牛柳粒上枱時熱辣辣，炸到香脆咬落去冇渣亦都冇筋，好入味，真係超級好食，另牛柳粒旁喺炸茄子，食咗幾粒都完全唔覺得係茄子，口感好軟棉棉又滑溜，而且一點也不油膩，因為係避風塘嘅做法，帶少許微辣，越食越辣，夠晒惹味，送酒最佳拍檔。
.
▪️脆皮咕嚕肉黑豚肉
咕嚕肉亦都值得推介
連嘴刁嘅屋企人都覺得好好食。
咬落去啖啖肉汁又唔靭，配料中嘅菠蘿亦採用新鮮菠蘿，取代一般嘅罐頭菠蘿，食落爽甜有口感，醬汁方便，選取了士多啤梨醬汁，酸酸甜甜味道更加清新，這道菜冇骨真的老幼皆宜。
▪️桂花糖鮮淮山
這款餐前小食，雖然不是開胃菜，但是也值得推介。淮山本身平淡，大廚用心思淋上桂花糖，吃落淮山爽口而有桂花清甜，喺一道唔錯嘅小食。
▪️鮑魚堤岸炆飯
如果喜愛吃澱粉質的朋友，可以選擇這一個炆飯代替白飯呢。原煲砂鍋上，揭開蓋已聞到香氣十足，米飯粒粒分明，內裡好足料，鮑魚粒，干貝絲，蝦肉，冬菇粒，味道甘香，吃到飯底見到薄薄蛋面，
.
真的估唔到這道炆飯好特色，吃到停唔到口 。
這個小小的砂鍋，看似份量很少，足足有幾碗飯之多，最少要三個人才能完成呢。
.
這一間中菜館，我是誠意推介大家，無論景色、食物、服務也是令人滿意的。這都是宴客和家人共聚的好地方，價格在尖沙咀來說，也是合理的，和家人在這樣的環境下享受晚餐，聊聊天，是不錯的選擇。
Post
