初遇

Open Now

Now Closed

今日繼續沙田開工，周圍碌繼續碌去沙田中心覓食；最後揀左依間開左幾間分店既初遇，主打係台灣嘢。我中午時間去，人唔算多，唔需要等位就可以入座；侍應唔算多，所以落單要等左陣。午膳有唔少套餐可以選擇，亦可以有D小食加配。好多都係特色台灣麵、飯🍚我最後揀左個藥膳花雕雞卷手工麵，其實好多都想試，不過見好多人都揀雞卷，所以我又試下；套餐免費加配既台式飲品有限，我最後揀左冷泡阿里山綠茶。味道方面，一上個麵……係 超 級 香🤣真係有D意外，老實我對依類型連鎖式既台灣食店係有小小保留。但係個湯底的確有驚喜，仲搞到我忍唔住飲左啖湯😅味道唔算太鹹，藥膳味唔算濃，雞味幾多，重點係飲到結尾有淡淡花雕酒味。老實湯頭真係好唔錯！手工麵方面中規中矩，無特別驚豔，煮得唔會太淋，因為本身我都唔鍾意淋麵🍜雞卷肉質唔算嫩滑，但係好入味，無痴牙🦷但有個問題，好似浸得有D耐，所以一夾就散。其他野我就未試過，但係依個藥膳湯可以再試😋