全日雞實驗所

Open Now

Now Closed

呢間餐廳全日雞實驗所一直都收藏着，一直等機會過嚟試吓！曾經睇過佢嘅報道，佢曾經喺深水埗開店，報道了有關店主怎樣堅持，去要做好出色嘅海南雞，所以一直上嚟試吓！特登過去北角試吓，不過地點有啲難搵，餐廳匿埋喺一個屋苑basement嘅food court入邊，好處係完全唔需要排隊，直接入去，就可以落order！當日係一個中午，只有六七個人，大把位，呢度係先俾錢，就等通知取餐。我特登加咗錢，叫咗大份嘅海南雞，仲特登加咗個肉餅。計埋相當經濟實惠！先講海南雞，啲肉好嫩滑，真係幾好食！完全唔覺得好肥！另外碗油飯亦都好出色，難得係碗湯都唔錯！但係最難得嘅，嗰個肉餅！真係好重瑤柱味，真係好好食！今次食到好飽，好滿足，下次一定會再嚟幫襯！