Brunch Club & Supper

Open Now

Now Closed

約了朋友上興趣班，事先約佢哋食午餐，點知行緊去時好大雨，去到上樓梯，樓梯好靚，有水晶燈中段有長椅，好英式風味，入到去幾爆場，好彩都有位可以即入，仲坐到窗口位，入內幾暗！桌椅幾迫，裝修幾有英式風格，店內放咗好多舊鋼琴，油畫，深木桌椅，牆上黑板寫餐牌！幾有特色，店員都係英文人，好爽手！Continental breakfast set($98)包果汁，揀咗橙汁，分開幾盤上，一盤麵包，麵包好令人滿意，大牛角包比肥髀搶咗，佢分咗點比我，好鬆脆，黑麥包夾雜果仁碎，好香麥味，白麵包鬆軟啲，三款都好味，又比埋牛油、果醬、同蜜糖，我點蜜糖好味！乳酪一大碗，配料嘅水果（士多啤梨、藍莓、蘋果片、香蕉片）同一碗雜穀麥片都另上，由客人自己落，自己配搭，雜穀類好脆口新鮮，水果新鮮，整體味道好好！鮮橙汁肥髀飲！Minced lamb tomato sauce paste($98)賣相靚，意粉有得揀，我哋揀咗闊麵，闊麵有咬口，掛醬汁能力幾好，蕃茄醬羊肉碎好滑，加咗芝士仲香！羊肉唔膻，好好味Brunch club sandwich($82)賣相好靚，木盤上，其實似漢堡包多啲，麵包係歐式嗰種比較實但唔乾，又好香麵包味，