Video
Read full review
2022-10-28
2829 views
大圍小館 (大圍)📍大圍積福街92號地舖之前去大圍踩單車嘅時候都發現呢間餐廳任何時候都排長龍，後來發現大圍小館今年榮獲米芝蓮推介！所以最鍾意食點心嘅我哋就揀咗平日一嘗米芝蓮點心嘅威力！當日10:00已經到達，眼見已經一大條長龍都擔心食唔到！好彩當時派緊飛仔，我哋先至及時可以攞到最後一張枱！估唔到咁多忠粉們係會提早30 分鐘以上過嚟排隊等開門！點心款式選擇多，而且價錢合理經濟！大中小點都係分別$40 / $36 / $33。而且出示長者咭可以免茶費，惠澤社群嘅表現，難怪有一批忠實支持者早起排隊等飲茶！難得咁遠黎到，當然要叫多啲特色點心！我地叫咗9個點心同小食，真係捧住個肚走！😂👩🍳第一叉 $268 / $158半份🤤🤤🤤🤤🤤「第一叉」呢個名其實係形容叉燒嘅部位，行內人會稱之為「第一刀」，即係豬頸背向天嘅位置，亦都係梅頭中上肉嘅意思！（我哋好奇問，職員亦好耐心咁解釋）職員亦都表示佢哋都會堅持用呢個部位來做叉燒，用料非常優質！大大嚿叉燒，色澤鮮明，軟嫩多汁，肥瘦適中，配搭蜜汁甜而不膩，醬汁更可以帶出肉嘅甜味！難怪佢哋對自己嘅叉燒咁有信心，因為試過就知，佢真係可以稱得上我咁大個女食過最好味嘅
📍大圍積福街92號地舖
之前去大圍踩單車嘅時候都發現呢間餐廳任何時候都排長龍，後來發現大圍小館今年榮獲米芝蓮推介！所以最鍾意食點心嘅我哋就揀咗平日一嘗米芝蓮點心嘅威力！
當日10:00已經到達，眼見已經一大條長龍都擔心食唔到！好彩當時派緊飛仔，我哋先至及時可以攞到最後一張枱！估唔到咁多忠粉們係會提早30 分鐘以上過嚟排隊等開門！
老欉水仙
50 views
0 likes
0 comments
點心款式選擇多，而且價錢合理經濟！大中小點都係分別$40 / $36 / $33。而且出示長者咭可以免茶費，惠澤社群嘅表現，難怪有一批忠實支持者早起排隊等飲茶！難得咁遠黎到，當然要叫多啲特色點心！我地叫咗9個點心同小食，真係捧住個肚走！😂
👩🍳第一叉 $268 / $158半份🤤🤤🤤🤤🤤
「第一叉」呢個名其實係形容叉燒嘅部位，行內人會稱之為「第一刀」，即係豬頸背向天嘅位置，亦都係梅頭中上肉嘅意思！（我哋好奇問，職員亦好耐心咁解釋）
職員亦都表示佢哋都會堅持用呢個部位來做叉燒，用料非常優質！
大大嚿叉燒，色澤鮮明，軟嫩多汁，肥瘦適中，配搭蜜汁甜而不膩，醬汁更可以帶出肉嘅甜味！難怪佢哋對自己嘅叉燒咁有信心，因為試過就知，佢真係可以稱得上我咁大個女食過最好味嘅叉燒！（淨係呢一度菜都真心值得排隊…）
第一叉
2426 views
1 likes
0 comments
👩🍳意大利黑醋伴米茄子 $62🤤🤤🤤🤤🤤
炸茄子配意大利黑醋，第一次試！呢個絕對係一個開胃小菜，茄子，雖然酥炸過，但一啲油膩感都冇，再配上意大利黑醋，酸酸甜甜絕對係一個佳餚！
難得食中式點心可以食到呢一種菜式！
意大利黑醋伴米茄子
68 views
1 likes
0 comments
👩🍳冰花蛋球（沙翁）小點 🤤🤤🤤🤤🤤
大大個沙翁用日本蛋做，蛋味十分之香濃，而且size係拳頭咁大！基本上一上菜必定會「嘩」一聲！😆
沙翁來講真係我食過最好味！佢除咗蛋味香濃之外質地亦都係少少煙韌！呢個係必叫點心！
冰花蛋球
150 views
0 likes
0 comments
👩🍳鮮荀蝦餃 小點 2粒🤤🤤🤤🤤🤤
蝦餃皮薄餡靚，入邊有大大隻蝦，彈牙又鮮甜！最好係可以叫2粒，就算兩個人嚟都可以叫多款點心！
鮮筍蝦餃
55 views
0 likes
0 comments
👩🍳香茜牛肉腸 特點🤤🤤🤤
睇到張相就知芫荽比例有幾重！芫荽控就一定好高興！腸粉皮亦都非常之滑又煙韌！
香茜牛肉腸
80 views
0 likes
0 comments
👩🍳煎韭菜粿 小點🤤🤤🤤🤤
意外地好食！其實佢係一個豬肉加韭菜煎製而成嘅餅，韭菜比例非常之多，而且表面亦煎得好香脆，如果鍾意韭菜嘅話真係值得試！
煎韭菜粿
38 views
0 likes
0 comments
👩🍳鮮肉燒賣 小點 2粒🤤🤤🤤🤤🤤
由新鮮豬肉打製而成，大大粒豬肉餡咬落亦都彈牙！上面仲要加咗一個大大粒嘅香菇都依然係小點，真係抵食！
鮮肉蝦餃
62 views
1 likes
0 comments
👩🍳懷舊煎糯米雞 特點🤤🤤🤤🤤
糯米雞大大舊表面煎得非常香脆！內裏亦都保持傳統又大粒走油嘅鹹蛋黃，糯米亦都煙靭，非常足料！
懷舊煎糯米雞
86 views
0 likes
0 comments
👩🍳叉燒餐包 小點 🤤🤤🤤🤤🤤
叉燒餐包細細個已經鍾意食！佢哋採用咗第一叉做叉燒餐包嘅餡料！仲要係粒粒叉燒肉，而唔係好似坊間一般嘅肥豬膏！醬汁亦唔會過咸，真係好好味！
叉燒餐包
49 views
0 likes
0 comments
❤️ 總括嚟講睇得出大圍小館對選材嘅要求非常之高，所以做出嚟嘅食物都特別優質！雖然材料上盛，但點心來講收費算係合理同經濟，相比之下真係非常之抵食，坦白講酒店中菜廳都俾唔到呢種質素。所以就算排幾耐隊我都會再次光顧！最後亦都想稱讚一下佢哋嘅職員，個個都非常有禮好客，亦都好樂意去介紹招牌菜嘅特色！其實職員嘅介紹真係好緊要，食客對食物了解多咗，感受亦都會深刻，而將食物放入口嘅時候亦都會加倍細味品嘗！
米芝蓮點心以前都食過，但呢間真心出色👍🏻👍🏻👍🏻👍🏻👍🏻
Post
