Deer Kitchen (The Wave) (Closed)

今晚去左朋友介紹既餐廳，嗰層暫時剩係得呢間餐廳，環境唔嘈適合傾偈。叫完野食先黎餐前包，熱辣辣好軟熟。生蠔，做緊優惠$10一隻，一般size但幾肥幾厚肉，好重蠔味。玫瑰荔枝白桃沙冰，甜得黎幾清，大熱天時飲杯沙冰即時透心涼。泡沫藍蝶抹茶牛奶，唔係我飲的，但賣相唔錯，老婆話幾好飲。墨西哥粟米脆片，焗出黎好熱，粟米片比出面食開既咸，但相對之下點淡忌廉食出奇地好味，蕃茄沙沙亦都好清新。和風鰻魚牛油果薄餅，餅底好似薄脆咁，邊位超脆；中間濃味既鰻魚配上淡淡既牛油果，味道唔錯。烤燒頂級美國西冷扒，五成熟既西冷一啲都唔韌，好香濃既牛肉味。