Video
Read full review
2019-03-24
119 views
朋友話今日帶食好野，去左元朗高埔村果邊，餐廳係位置係爾巒對面，果度有一條美食街，有清楚既地圖指出每間餐廳既位置，所以唔算難搵！餐廳有set dinner 或者散叫，由或者可以試Omakase，而我地最後揀左活鮑2人前！$1980+10%，由於太多相嘅關係，餐牌同餐廳環境分開upload左！首先由前菜開始，今日既前菜係煮花螺，配埋新鮮沙律菜，味道唔錯！而係開始介紹其他主菜時想講下個醬汁先，分別係幼鹽加胡椒，西芹蕃茄醬同埋芝麻醬，後2種醬汁都係餐廳自家制，材料純天然，連醬汁都咁一絲不苟，可以睇得出餐廳真係用心製作！（成餐飯不停問師傅d食物係咩黎，好彩佢冇嫌我煩仲好耐心解釋比我知）師傅首先係廚房拎左個set裡面既食物出黎擺係我地面前，逐一解紹左每一樣食物既名！第一道菜就係北海道帆立貝，鐵板燒既調味離唔開牛油，鹽同胡椒，我起初以為都係呢幾樣調味，估唔到師傅將帆立貝煎完，會將佢放係一個加左魚湯既殻度，上面再加左三文魚籽同紫蘇花，紫蘇葉聽得多，紫蘇花真係第一次聽！店員提醒我地整走左紫色花先食，果然好香紫蘇味，魚湯清甜，帆立貝鮮甜，所有調味夾埋一齊真係好好食！好特別呀！第二道菜就係白甘鯛，師傅話呢道
餐廳有set dinner 或者散叫，由或者可以試Omakase，而我地最後揀左活鮑2人前！$1980+10%，由於太多相嘅關係，餐牌同餐廳環境分開upload左！
首先由前菜開始，今日既前菜係煮花螺，配埋新鮮沙律菜，味道唔錯！而係開始介紹其他主菜時想講下個醬汁先，分別係幼鹽加胡椒，西芹蕃茄醬同埋芝麻醬，後2種醬汁都係餐廳自家制，材料純天然，連醬汁都咁一絲不苟，可以睇得出餐廳真係用心製作！
（成餐飯不停問師傅d食物係咩黎，好彩佢冇嫌我煩仲好耐心解釋比我知）
沙律及前菜
8 views
0 likes
0 comments
師傅首先係廚房拎左個set裡面既食物出黎擺係我地面前，逐一解紹左每一樣食物既名！
特上活鮑2人前
$1980
8 views
0 likes
0 comments
第一道菜就係北海道帆立貝，鐵板燒既調味離唔開牛油，鹽同胡椒，我起初以為都係呢幾樣調味，估唔到師傅將帆立貝煎完，會將佢放係一個加左魚湯既殻度，上面再加左三文魚籽同紫蘇花，紫蘇葉聽得多，紫蘇花真係第一次聽！店員提醒我地整走左紫色花先食，果然好香紫蘇味，魚湯清甜，帆立貝鮮甜，所有調味夾埋一齊真係好好食！好特別呀！
北海道帆立貝
11 views
0 likes
0 comments
第二道菜就係白甘鯛，師傅話呢道菜既特別之處係連魚鱗都食得，首先係將有鱗果面放係一個放左滾油既煲入面煎，煎到佢脆卜卜，而魚肉就用煲入面既熱力焗熟以保持肉質嫩滑，然後就放係個黑松露枝豆薯蓉醬上面，呢個醬師傅話係攞過米芝蓮一星架！
食落去個魚鱗真係脆卜卜，魚肉嫩滑，醬汁有三重唔同既味道，好好味呀！
白甘鯛
13 views
0 likes
0 comments
第三道菜就係主角活鮑魚，師傅話近期日本蝦夷鮑魚靚，所以取代左餐牌上面既澳洲鮑魚，仲配左用鮑魚膽做出黎既醬汁，食落去味道好似蟹膏，好味好味，除此之外仲可以點少少鹽食，同樣同味，帶出左鮑魚既鮮味！
日本蝦夷鮑
14 views
0 likes
0 comments
第四道菜就係肥美既鵝肝呀，仲要係厚切添，配埋多士，好邪惡呀，雖然膩，但真係好好味
鵝奸多士
12 views
0 likes
0 comments
食完d咁膩既野，師傅就整左個牛油砂糖脆多士比我地，話食少少甜野會清左口入面果個油膩感，可以食真d下一道菜既味道
個多士除左因爲煎過所以脆之外，另一原因係因為砂糖溶入左牛油液裡面煎完會令到多士面多左層砂糖脆脆，店員話呢個多士不論男女老幼都好鍾意架
牛油砂糖脆多士
17 views
0 likes
0 comments
第五道菜就係A5和牛，師傅問我地要幾成熟，我地叫左6成，師傅會將和牛切粒，然後放左係面包上面吸一吸油，牛味好香，有入口溶化既感覺呀
A5鹿兒島野崎和牛
5 views
0 likes
0 comments
之後就係炒飯，餐廳用既係日本珍珠米，再加入日本雞蛋，櫻花蝦落去炒，粒粒金黃色，炒得好香，d飯唔會癡埋一舊，真係好考師傅功夫㗎！
炒飯
5 views
0 likes
0 comments
食完炒飯就會上埋炒野菜同魚湯！魚湯用全鯛魚煲出黎，個魚湯白雪雪，仲有少少起膠，可想而知幾咁真材實料！魚湯魚味香濃，仲有少少薑味，一d都唔腥，要趁熱飲呀
鯛魚湯
6 views
0 likes
0 comments
最後上埋甜品，係homemade 既奶凍呀，再加埋空豆係上面，奶味勁香濃，紅豆又唔會太甜，呢個奶凍可以話係我食過最好食既奶凍！
自家製奶凍
11 views
0 likes
0 comments
餐廳用料上乘，師傅用心烹調，員工服務又好，絕對物超所值！
A5鹿兒島野崎和牛
14 views
0 likes
0 comments
Post
