Video
Read full review
2021-08-19
1525 views
我不嬲都好鍾意食星馬菜，比較出名人氣既都試過哂，有海鮮味重既喇沙、椰奶味重既喇沙、馬來西亞既肉骨茶、新加坡既肉骨茶、打成CREAM既斑蘭咖央多士等，今次知道長沙灣開左一間新既新加坡菜餐廳，於是即刻去試下。蘇山雞飯係一間今年4月開業既新加坡、馬來西亞菜餐廳，係長沙灣元州街，元州街不嬲出名多野食，但就係無星馬菜。餐廳主打平民高質星馬菜，人氣之選係海南雞飯同白胡椒肉骨茶，呢度既雞飯唔似坊間做法大煲，而係用4-5人份量電飯煲煮飯，令到每粒飯都可以吸收到雞油同斑蘭既香味，而且雞既烹調方式係用上日本花菇、元貝同廿種香料入味。另外白胡椒肉骨茶係新加坡潮式既肉骨茶，以胡椒味為主而唔係藥材味，湯頭唔係又黑又濃，而係清淡易入口。另外鮮油咖央多士、星洲龍蝦叻沙摻摻、獅城芽菜走地雞飯、海鮮炒粿條都係最多人食既菜色。前後黎過兩次，兩次都係平日夜晚大概七點半，第一次係接近滿座，而第二次就要等5分鐘，入面長期都係好多人。餐廳門口寫住一口回味雞飯，裝修似冰室，環境光猛新淨，入面唔算好大，不過坐得都舒服。睇過餐牌，首先有晚餐精選，都係一個主食配一個份量小啲既小食或者主打，可以加配小食同飲品，另一個主餐牌有炒類好似炒粿條
蘇山雞飯係一間今年4月開業既新加坡、馬來西亞菜餐廳，係長沙灣元州街，元州街不嬲出名多野食，但就係無星馬菜。餐廳主打平民高質星馬菜，人氣之選係海南雞飯同白胡椒肉骨茶，呢度既雞飯唔似坊間做法大煲，而係用4-5人份量電飯煲煮飯，令到每粒飯都可以吸收到雞油同斑蘭既香味，而且雞既烹調方式係用上日本花菇、元貝同廿種香料入味。另外白胡椒肉骨茶係新加坡潮式既肉骨茶，以胡椒味為主而唔係藥材味，湯頭唔係又黑又濃，而係清淡易入口。另外鮮油咖央多士、星洲龍蝦叻沙摻摻、獅城芽菜走地雞飯、海鮮炒粿條都係最多人食既菜色。
前後黎過兩次，兩次都係平日夜晚大概七點半，第一次係接近滿座，而第二次就要等5分鐘，入面長期都係好多人。餐廳門口寫住一口回味雞飯，裝修似冰室，環境光猛新淨，入面唔算好大，不過坐得都舒服。
睇過餐牌，首先有晚餐精選，都係一個主食配一個份量小啲既小食或者主打，可以加配小食同飲品，另一個主餐牌有炒類好似炒粿條，蔬果類有炒通菜、芽菜等，小食有鮮油咖央多士、小喇沙、雞湯、咩都有既小食拼盤等，推介有肉骨茶、豬手飯、咖啡室牛筋腩飯等，湯類有喇沙同肉骨茶湯米粉等，當然唔小得招牌既雞飯，最後係飲品。呢度係QR code落單，上菜速度幾， 5分鐘到就有得食。
-
🥤 恐龍美祿 💰9（👅: 7.5/10）
恐龍美祿
$9
36 views
1 likes
0 comments
-
☕ 超冰凍椰青 💰25（👅: 7.5/10）
超冰凍椰青
$25
27 views
1 likes
0 comments
-
1️⃣ 星洲龍蝦叻沙摻摻 💰98（👅: 7.5 /10）
星洲龍蝦叻沙摻摻
$98
134 views
1 likes
0 comments
配料仲有豆卜、魚片、魚蛋，豆卜將喇沙嘅精華都索晒入去，夠晒入味，魚蛋彈牙鮮嫩，食落都好惹味，成個夜晚套餐幾抵食，連埋個咖央多士，食落滿足。
-
🥪 配鮮油咖央多士 💰0（👅: 8/10）
鮮油咖央多士
35 views
1 likes
0 comments
-
2️⃣ 獅城芽菜走地雞飯 💰85（👅: 8/10）
獅城芽菜走地雞飯
$85
26 views
2 likes
0 comments
走地雞去晒骨，咬落非常滑溜，係好嫩既白肉，肉質結實有彈性，食落有雞味，就算係雞胸位食落都唔會柴，脂肪唔多，而雞皮咬落係爽脆唔油膩，唔鐘意食雞皮都可以一試，加上薑蓉、辣椒醬同豉油既3種醬汁，食落更加惹味，份量幾多，送飯一流。
雞油飯會先炒香再煮，所以會比平時既深色，食起黎味道夠香，粒粒充滿油香，仲多左啲焦香味，仲會有好小既薑味，而且呢度係可以加飯，估唔到油飯都出色。
-
🫕 配輕怡新加坡白胡椒肉骨茶 💰0（👅: 7.5/10）
輕怡新加坡白胡椒肉骨茶
45 views
1 likes
0 comments
飲落好明顯無藥材既苦味，而係飲到白胡椒味，但胡椒味唔會太重而太辣，香味為主，飲落清新開胃，如果唔鍾意藥材味既人就岩哂，香港人應該會岩白胡椒肉骨茶多啲，配料有豆卜同肉骨，肉骨用上排骨，肉咬落實在，炆得夠入味，令湯添加左肉味，豆卜大兩片，將白胡椒味精華濃縮哂。
-
3️⃣ 特色小食拼 💰78（👅: 7.5/10）
特色小食拼
$78
31 views
1 likes
0 comments
順化豬肉串最好食驚喜，外衣爽脆，帶小小嚼勁，入面口感紮實，食落去係滿豬肉汁，夠入味，鹹香味重，食落唔油。
魚餅食落有啖啖魚香味，帶少少冬蔭公既辣味。
炸雞翼算大隻，食落算外脆肉嫩，不過比較乾身。
鳳尾蝦春卷皮夠薄身，外層係用方包包住，幾香口，擺左一陣咬落都係脆身，食到蝦肉同蔬菜粒，口感有層次。
-
🌟整體黎講係間幾抵食既星加坡菜餐廳，晚餐套餐可以一次過試到餐廳既招牌主食同小食，兩個人黎食基本上最人氣既菜色都可以試哂，當中最鍾意既係雞飯，雞夠滑，係中上水平既雞飯，而鮮油咖央多士，而鮮油咖央多士牛油夠大舊夠滿足，雞飯我覺得比喇沙更出色，如果你鍾意食雞飯咁呢間值得一試。
價錢平民，唔係好大食其實晚餐套餐加個飲品大概100就有交易，係長沙灣呢一區係好合理既價錢，成日係附近既人可以一試。-
👅味道: 8/10
🍴環境: 7/10
💰消費: $295 (服務費: NA)
Post
