番茄18

Open Now

Now Closed

餐廳掛左好多霓虹燈同招牌，裝潢好有舊香港特式，座位好多，環境舒服。花膠雞湯米線：花膠好厚身富咬口，滋補養顏，切雞脾新鮮嫩滑，雞湯香濃，熬成奶白色，人氣必點。麻辣牛坑腩湯米線：除左主打既番茄，麻辣都係招牌，湯底麻辣味十足，剌激味蕾，牛坑腩炆得軟腍。招牌瑞士雞脾：雞脾醃得夠入味，入口甜甜地，呢度既自家製瑞士汁，係用頭抽熬製而成，色香味俱全。口水雞：口水雞充滿花椒香味，口感微麻，加左花生同脆筒，I like it。招牌木碎花生多士：份量十足既厚多士，切到細細塊，鋪滿花生醬和煉奶，勁邪惡。華田脆脆：面層既阿華田粉，脆卜卜既華田脆脆，一次過品嚐多重阿華田既滋味。紅綠椰冰：椰汁配上軟綿綿既紅豆和綠豆蓉，令我回味無窮。總結，食物好味足料，出菜快，物超所值。