泰瀾鑊 (北角匯三期)

Open Now

Now Closed

啱啱去完泰國返嚟，已經好掛住啲泰國菜，但又有排都冇得去旅行，唯有喺香港食住啲泰國菜先🥹！今次呢一間泰國菜餐廳都幾新，不過餐廳嘅環境都幾舒適，整體感覺上都唔錯👍🏻同大家講一講，我哋叫咗啲乜嘢食啦！首先，就係呢個超足料香葉辣椒膏炒藍青口，藍青口配上香味十足嘅香葉辣椒膏，非常惹味！藍青口好新鮮，本身已經好鮮，配上醬汁令到味道更加滋味！然後，就係呢個酸辣青檸烏頭，酸辣青檸烏頭真係簡單又有泰式風味，烏頭魚肉甜嫩滑，配搭香茅、辣椒、青檸多款調味材料煮嘅湯，味道酸酸辣辣，湯連魚肉一齊食，正呀！最後，就係生果燒菠蘿，酸酸甜甜嘅燒菠蘿，甜絲絲又充滿果汁！整體而言，我覺得同我喺泰國食嘅味道都不相伯仲，味道嚟講，我覺得都算幾出色。