牧羊少年咖啡館 (雅蘭中心)

Open Now

Now Closed

好耐之前曾經去過位於太子既牧羊少年咖啡館，店中充滿大大小小既書本，小物件，一入店中仿如置身於異國風程；依家經過旺角呢間牧羊少年咖啡館，眼望店舖內裝修舒服，一於入內試吓呢間店既食物先，因為店舖剛剛開門，所以不用等位就可以入坐，職員稱用餐時間90分鐘，我就坐卡位位置，窗口面對朗豪坊，兩人坐卡位闊落舒適，用QR code落單，我和友人各點了一個英式早午餐和一個素食早午餐，再跟餐加錢點了是拉差醬法國雞翼及魚湯輕炒西蘭花，叫兩杯野飲，人蔘烏龍茶及菊花茶。兩個All day breakfast 都會跟一個餐前小湯，小湯係南瓜湯，十分清甜好飲，而兩個All day breakfast 都十分出色，炒蛋嫩口，杏脯包即烘又熱又脆口，希臘乳酪上有少少穀物片加少少蜂蜜，亦十分好味，而另加既是拉差醬法國雞翼，熱辣香脆，是拉差醬十分惹味，西蘭花口感比較淋身，有魚湯味道，都十分好食。總括來說，今餐十分滿意，下次一定會再幫襯試食其他食物。