土司工坊 (佐敦薈)

Open Now

Now Closed

喺佐敦附近做完野，差唔多12點，就喺附近搵左間Toastbox 食野。望一望個餐牌，雖然佢寫跟餐熱奶茶免費加大，但其實同番其他分店比較，佢只係將加大個價錢加埋落個餐度，所以其實唔係咁抵同老實。我就點左平日食開既T1傳統多士餐。唔知點解，今日出餐係十級慢，見到好多人都企左喺出餐處附近等，我就搵埋個位打開電腦做陣野，等個感應器自己響。等左好一陣子，杯奶茶都飲左大半杯，但都係未有野食。突然就聽到有個客人都有勁大聲咁閙啲職員:「仲要我等幾耐啊?」見到個職員都好慌張咁搵廚房問。多士出得好慢，坐隔離枱既人遲過自己落單，但到佢食完個公仔面，我份多士同蛋都係未到。於是我都忍唔住行去問一問個職員，佢話廚房仲整緊。再等多幾分鐘，終於有得食。煎蛋同平時一樣，加少少胡淑粉吊下味仲好食。多士醬料好足，咖椰醬食落甜而不膩，十分唔錯。