隼 (Closed)

去咗MegaBox玩具反斗城買禮物俾小朋友，買完之後搵餐廳食晚飯，見到食壽司都唔錯就入咗去試。原來呢間壽司店係以火車為主題，所有壽司、食物都係由火車响輸送帶運送過嚟你枱㗎。炙燒左口魚裙邊壽司炙燒將左口魚嘅肥美油脂香味充分散發出嚟，簡直入口即溶。炙熱芝士三文魚壽司三文魚肥美嫩滑，炙燒過有種獨特嘅香味，加上火炙過嘅芝士奶香，口感綿綿。隼列車壽司相信呢個係餐廳嘅招牌壽司，簡直就係一個迷你版嘅海鮮丼，超級豐富，打卡一流，有大赤蝦，吞拿魚蓉，海膽，魚子，三文魚等等。三文魚壽司三文魚好大塊，質素唔錯，肥美，魚油香。帆立貝壽司帆立貝好大隻又新鮮，鮮味十足，口感綿密。總括而言，壽司嘅種類都好多，係MegaBox食飯嘅其中一個好選擇。