Video
Read full review
2022-10-25
116 views
位於旺角花園街嘅「丼燃食堂」主打日式刺身丼物，提供多款創意丼飯、卷物及小食。餐廳自2021年開業起，憑著無限創意、食物質素同親民價格，迅速成為旺角人氣小店，而家依然經常全場滿座🔥———「井撚食堂」… 呀唔係，應該係「丼燃食堂」先啱。啱啱想講，呢間丼飯專門店實在出色，153自己外賣食過一次之後對佢念念不忘，決定堂食再訪。———❝ 虎燃丼 | $68呢款丼飯雖然價錢唔貴，但係份量十足，有三文魚 (3片)、蝦 (3隻)、蟹棒 (4條) … 仲有數唔完嘅蟹籽。丼飯食材豐富，但153個人覺得個醬先係精粹。今次揀嘅明太子醬非常惹味，食晒成個飯唔使點豉油都仲得😍評分：8/10———❝ 海鮮丼 | $78海鮮丼就更加豪華，刺身用上三文魚、三文魚腩、帶子、蟹肉及時令魚，每款都非常鮮甜。153最鍾意各款刺身炙燒至微焦，食落非常香口。不過唔食火炙刺身嘅朋友，落單嗰陣唔揀呢個選項就可以了。評分：7.5/10———*以上兩款丼物均為午市限定食品（星期一至日，12:00 PM - 5:30 PM）。 餐廳另外提供自選丼物（可以自由配搭刺身）以及多款特色丼飯，價錢由$118至$248不等。最後差啲唔記得講… 丼燃食
餐廳自2021年開業起，憑著無限創意、食物質素同親民價格，迅速成為旺角人氣小店，而家依然經常全場滿座🔥
———
「井撚食堂」… 呀唔係，應該係「丼燃食堂」先啱。啱啱想講，呢間丼飯專門店實在出色，153自己外賣食過一次之後對佢念念不忘，決定堂食再訪。
———
❝ 虎燃丼 | $68
呢款丼飯雖然價錢唔貴，但係份量十足，有三文魚 (3片)、蝦 (3隻)、蟹棒 (4條) … 仲有數唔完嘅蟹籽。
丼飯食材豐富，但153個人覺得個醬先係精粹。今次揀嘅明太子醬非常惹味，食晒成個飯唔使點豉油都仲得😍
評分：8/10
虎燃丼
$68
9 views
1 likes
0 comments
———
❝ 海鮮丼 | $78
海鮮丼就更加豪華，刺身用上三文魚、三文魚腩、帶子、蟹肉及時令魚，每款都非常鮮甜。
153最鍾意各款刺身炙燒至微焦，食落非常香口。不過唔食火炙刺身嘅朋友，落單嗰陣唔揀呢個選項就可以了。
評分：7.5/10
海鮮丼
$78
3 views
0 likes
0 comments
———
*以上兩款丼物均為午市限定食品（星期一至日，12:00 PM - 5:30 PM）。
餐廳另外提供自選丼物（可以自由配搭刺身）以及多款特色丼飯，價錢由$118至$248不等。
最後差啲唔記得講… 丼燃食堂丼燃夠慷慨，嗌丼飯嘅朋友可以無限任添壽司飯，任食唔嬲！😼
有興趣嘅朋友可以 bookmark 定呢個 post, 下次去試吓～
Post
