Yamm

Open Now

Now Closed

人間悲劇莫過於年三十做唔晒啲野，初一要返工。過年出街食認真頭痕，好彩公司係對面就係Mira，平時都會間中過去食下，貪佢就腳之餘，佢嘅buffet都算係咁。但估唔到初一食buffet都有咁多人，特備年目有舞獅同財神，都幾有氣氛。即開生蠔: 中規中距，唔算肥，但都有蠔味，不過唔敢食咁多，腸胃唔太好過人，仲要過年國金軒叉燒：嘩……最鍾意食叉燒嘅我，仲要係名牌喎，當然要食多兩件啦。即炒燕窩炒蛋：同事唔敢試，因大病過要界口，咁我就代勞，都幾多燕窩，蛋炒得幾嫩滑，值得一讚。甜品好多款式，但不太喜歡甜食，只係輕輕品嚐，最愛豆腐花，食左兩碗可能我鍾情麵包，真係唔介意佢麵包比一般buffet多款式，因為知道佢哋嘅麵包係自家製，就更加要加分，好多地方都已經無自己嘅麵包出品。最後係題外話，行去攞壽司果陣，比個fill碟嘅妹妹撞到，其實都唔應該怪佢，睇真啲，係佢出入嘅門口，有塊布簾阻擋佢嘅視線。其實都幾危險，如果當時佢唔係企得穩，係向前仆的話，手上啲碟可能就咁向前傾倒，咁我就中招啦，話晒年初一，真係大吉利市。