韓城 (Closed)

今日初三赤口，例必一班朋友外出食晏就拜年。今年就簡咗旺角"韓城"，貪佢係旺角都方便大家嘛!一行14人，其實之前都訂咗枱，但嚟咗職員應該唔記得留位比我們，搞到要L字咁坐，傾計傾得唔夠盡興!我們嚟到韓燒放題，自助取生料及熟食，種類都算多，有雞、牛、豬、羊、腸仔、丸、菜羊(我覺得夠"SO"好好味)、雞翼(好肥味，燒完之後啖啖肉，比起雞串還好味)、牛舌(好爽口)熟食有壽司、飯、薯餅、菜、粉絲、豬頸肉、秋刀魚等。反而將熟食的豬頸肉再放入鐡板燒返熱嚟食，仲好味D，因為好多熟食都凍晒!見住佢出的粉絲，熱辣辣係好味!除咗生料及熟食外，佢仲有甜品、糖水、生果、雪糕的!