新記煲仔雞粥 (Closed)

啱啱行完千島湖，朋友帶我嚟呢間元朗老字號「新記雞粥」食晚餐，因時間尚早，大約晚上六點，所以唔使等位，真好。行左半日，一坐低對腳仔舒服晒😆。有啲攰，唔想用腦諗，全部由朋友點菜，我哋兩個人點咗四個菜式：蜆介鯪魚球$52一份六大粒嘅炸鯪魚球，炸到脹卜卜，外脆內軟，配以蜆介醬，好惹味。招牌貴妃雞粥🐔$52熱辣辣，粥底好綿滑，份量亦足，好味，果然係老字號。酥炸魷魚鬚🦑$55魷魚鬚炸得好脆，入面嘅魷魚好爽口，唔會好難咬，配可樂，正！菜心一碟$30好抵食，但唔係太飽，因為我哋兩個要留肚，去隔離食B仔涼粉😆。