德國餐廳 (博文街) (Closed)

朋友生日試下食新野，上網搵到呢間叫das bier既德國菜comment都幾好於是就初嘗下，餐廳環境細細但幾骨緻，好中意佢木系風格setting, 而且裝修都有德國風，例如有塊德國地圖做背景，餐廳職員友善，上菜都算快，唔洗話等好耐。首先上菜既係啤酒，我地揀左杯lowenbrau啤酒，唔算好苦，初哥都算易入口，可以一試，跟住就係重點德國鹹豬手配酸菜同薯仔沙律，廚師會幫我哋起曬肉，唔洗自己有排切，外皮炸得夠脆，脂肪連肉一齊食，超好味！唔會話太鹹，醃得剛好，配埋honey mustard 醬別有一番滋味。德國香腸拼盤好多款，香腸超juicy 多汁到會飛出黎，切個陣小心，特別中意雞肉腸，薯角亦炸得香口，沾茄汁都好味。仲有叫左芝士薄餅，份量足，味道唔錯，連薯蓉一齊夾好味道，再加埋香草醬三文魚意粉，份量剛好，三文魚夠味，意粉煙韌有口感，餐廳啱三五知己一齊黎食