德國餐廳 (博文街) (Closed)

大角咀近期多左唔少新開嘅特色餐廳小店，想飲杯啤酒happy hour下嘅話，呢間喺博文街嘅德國餐廳就岩哂啦! 食德國野緊係要嗌返個德國鹹豬手，同喺德國嘅時候食一樣都會配埋燉菜跟薯仔沙律。幾正宗面皮脆卜卜，焗左既豬手少左份油膩感，入口幾滑，感覺有滿滿嘅骨膠原，配埋佢個酸菜啖啖肉，用嚟送啤酒一流。芝士薯條薯條即叫即炸，面頭d芝士焗到好金黃，超級熱辣辣，薯條 偏幼身，香脆但唔油膩，搞到完全停唔到口。超正! 超邪惡! 絕對不能錯過！

自問食遍天下豬手，無論連鎖定小店，只要見到豬手就必定會嗌。 不過好多時其實都只係為咗大杯酒大塊肉嘅快感，未必真係有驚為天人嘅感覺，今晚都係出於呢個前提嚟到呢間德國餐廳，估唔到會遇上喺香港食過最好食嘅豬手。德國鹹豬手配酸菜及薯仔沙律 ($218)賣相對板，芝麻皮同想像中一樣咁香脆，最意想唔到嘅係豬手肉質異常嫩滑，幼嫩有肉汁，軟腍程度甚至比韓國食到嘅滷水豬手更甚，但同時都有咁上下實淨，唔會一咬就散開晒。更加值得一讚嘅係豬皮位置嘅肥膏非常之薄，而且完全唔油膩，平時我食豬手必定會花好多時間去肥膏，但呢度嘅豬手係不自覺地覺得食埋都冇所謂咁乾爽。 雖然脆皮對比上冇咁驚豔，但整體來講都係好完美滿分嘅豬手。德國香腸拼盤 ($162)香腸拼盤一般來講都係食個感覺，純粹白烚冇咩特別，但呢度嘅香腸感覺到用料下左苦工，每一款切開都好有肉汁。 尤其鍾意芝士腸同埋咖喱香腸，咬開要小心爆汁，點埋芥茉醬一流。香草醬煙肉三文魚意粉 ($128)想加點燒雞點知已經賣晒，飲恨之下叫多個意粉，不過有少少嫌佢太足料，兩個人夾極都好似冇夾過咁多。 香草醬好香口，煙三文魚亦都放得好慷慨，每個人都分到幾塊，性價比好高。食完之後下定決

香港食正宗德國菜嘅餐廳真係唔多，今晚就約左個friend嚟飲野，個名都叫德國餐廳應該夠傳統啦掛。對於每餐無肉不歡嘅食肉獸嚟講，我就決定食返個烤豬肋骨排做main course，肉質Q彈~軟嫩唔韌，多汁唔乾～記得要配埋黃芥末醬同酸菜一齊食食左咁多肉都要點返個沙律菜balance下嘅，佢個風乾火腿沙律大大份可以share 食。本身都怕咁多菜會好齋但佢加左幾塊風乾火腿又變得好惹味。而且個sauce味道酸酸地，開胃之餘又解膩。佢個酒menu好多選擇仲做緊買一送一，開心!

一心想食德國菜，搵到Das Bier有幾間分店，嚟到先發現係小店嘅格局，感覺幾溫馨。雖然鹹蛋黃味都好吸引，但係怕醬汁會令到豬皮變淋，所以揀咗最傳統嘅口味。 首先豬皮夠酥脆，上枱已經去咗骨切埋，啖啖肉好正。 豬手真係好軟滑超Juicy，配菜都好有誠意。 酸菜味道唔會好搶，就咁食都唔會太酸，薯仔沙律嘅芥末蜜糖醬超惹味，樣樣野都好啱口味。德國香腸拼盤一碟有齊四款口味，切嗰時要小心好多汁，從未試過簡單如香草豬肉腸都會有肉汁，薯條亦都熱辣辣好有薯味，配齊茄汁同芥茉醬一流。三文魚意粉味道唔算好突出，勝在份量夠多。 呢度普遍都大大份，其實兩個人叫兩份已經好夠。平時少飲酒，但嚟到德國餐廳都襯返個氣氛叫咗杯，估唔到Stella入口好順滑，完全唔會有苦澀味，係好啱女仔飲嘅啤酒。

位於大角咀博文街15號地鋪，聽落去地方名比較陌生。 但如果話奧運站c出口就熟悉得多由網上得知有多間分店，所以感覺應該不錯店舖佈置充滿德國感覺，主要以木質感為主體餐牌上以簡單明瞭，有二人餐同散叫為主今次同友人約6時半去到，店員都好有心安排座位同防疫都做得恰當今次同友人叫左豬手，意粉同啤酒🍻德國鹹豬手配酸菜及薯仔沙律($218)名不虛傳首先賣相實在相當吸引，我非常喜歡會幫客人把肉同骨分離同擺得精美份量超級大，絕對要至少2人才可以解決它。皮燒得脆口之餘帶有少少微咸，肉亦保持濕潤，不會感到很柴。配以酸菜及芥末醬一流。 薯仔以蛋黃醬制成，風味十足香草醬煙肉三文魚意粉($128)店員送餐時已有點驚訝，煙三文魚量幾多上面再灑上芝士粉，增添顏色香草醬幾清新，而且欣賞意粉有加上翠肉瓜，提升整體口感整個用餐體驗相當滿足份量足夠外，態度亦好好。再配以啤酒作收尾真係適合消遣既地方

🔻 德國餐廳 Das Bier大角咀博文街15號地舖/冬天一到，雖然小妹唔飲酒，但唔知點解好想食鹹豬手😂😂朋友推介呢間餐廳，話無論香腸定係鹹豬手質素都超高！/🧃德國鹹豬手配酸菜及薯仔沙律$218首先擺盤勁靚，第二餐廳已經將鹹豬手切咗先上碟，方便小妹呢啲笨手笨腳嘅人，唔使自己切呢咁Hea！豬皮望落都好脆，已經冇晒口水，入口嘅時候果然係皮脆肉嫩，食到停唔到口，鹹香濃郁，配埋酸菜食就啱啱好！不愧係餐廳嘅招牌菜。/🧃德國香腸拼盤$162分別有五種唔同嘅腸，全部嘅皮都卜卜脆😍一包咬落去咇晒啲肉汁出嚟。味道分別有鹹、辣、蒜味等等，層次好豐富，各有特色，全部都好好食。/🧃西班牙風乾火腿配凱撒沙律$128大大一盤，等小妹食咁多肉嘅同時可以食下菜，減少罪惡感！值得一讚嘅係沙律菜非常新鮮，爽口得來仲食到有水份！/////

喺大角咀博文街有林林種種嘅多國菜餐廳可以選擇，而今日同朋友食嘅Das Bier，一睇個名都知道係一間食德國菜既餐廳👻行入餐廳，基本上一眼已經可以望晒成間鋪嘅間隔，但我覺得顧客坐得密集反而幾有氣氛，加上四周圍擺放嘅啤酒杯同掛住bavaria旗，都算有德國氣氛🇩🇪雖然間餐廳叫做德國餐廳，但食嘅其實並唔係咁傳統嘅德國菜，似係fusion菜🙈餐廳將德國腸融合左唔同國家嘅風味，有印度咖喱腸、泰國嘅冬陰功腸、德國香腸拼盤等等😋而我哋就揀咗傳統嘅超級德國腸拼盆 ($188)🤤裏面有幾種唔同嘅煎香腸同埋雞肉腸，都好香口💕仲配有焗薯角同酸酸地嘅Sauerkraut，即係酸嘅椰菜絲，喺德國幾乎每一味餸都會配有呢一個配菜🇩🇪個人來講就覺得比起傳統嘅Sauerkraut更加爽口，酸味冇咁強勁👍🏻而主菜方面，我哋就食咗燒澳洲羊架 ($268)。其實份量真係十足，上菜一共有三塊羊架🤩羊架嘅表皮係脆卜卜嘅，食落感覺似炭燒過，唔會太膩。而配菜方面就有薯條同埋燒雜菜，呢隻薯條就冇之前嘅薯角咁脆口😕不過雜菜吸收左羊架嘅香味同埋油份，份外惹味🤤🤤

而家冇得去旅行，就會好想好想試唔同地方嘅嘢食。最近突然之間諗返起去德國聖誕市集嘅回憶，就即刻約埋好朋友一齊去回味🥺.餐廳位於大角咀，地鐵站都要行一陣先到，門面望落去唔係咁似一般嘅德國餐廳，相對上較平民😂餐廳位置唔算多，我哋就坐咗喺望出窗外嘅位置，望住街外嘅人品嚐着德國嘅風味，有少少回想起以前去旅行坐咖啡室chill下嘅日子，係幾特別嘅體驗😌Hoegaarden Rosée ($62 half pint)Half Pint好似係一款杯，所以呢個啤酒杯嘅size同我哋一般用嘅唔同🍺本身係貪得意見餐牌杯酒嘅顏色係粉紅色先叫嚟試吓👻一開始飲嘅時候覺得麻麻地好難入口，感覺同平時啲啤酒唔同。不過之後一路配主菜一路飲就覺得好好飲，強烈建議大家唔好因為一開始嘅感覺而忽略咗呢杯酒嘅特別👻👻德國超級香腸拼盆 ($188)聽店員講呢set嘅腸仔種類較多，食落感覺越細條味道越濃😋份量比想像中多，食食下都有啲飽👻法式燒春雞 ($158 全隻)其實啱啱炸好熱辣辣上菜嘅時候都還不錯，但係擺耐咗啲雞就越嚟越乾身，淡而無味。不過好鍾意佢嘅薯條同埋酸菜，彌補唔到食雞嘅遺憾🙈

呢間餐廳的鹹豬手真係外皮脆香，內裡juicy，芥末醬點埋味道岩岩好，仲好味過以前係歐洲Budapest 食㗎豬手，加埋粉紅色甜絲絲Rosee啤酒，味道一級棒，份量都頗大，兩個人一份都可以。另外侍應姐姐真係好nice有禮貌，我同朋友都酒量不佳，叫左一pint啤酒，佢特意帮我啲分兩杯，好sweet，仲會同我啲講笑，雖然唔大餐廳，但好在氛圍好好，隨意自然。隔離檯德國香腸都好吸引，可惜胃口細食唔到咁多，留待下次喇。

黎到大角咀，估唔到位於內街呢度都有間呢正既德國餐廳，位置就比較近奧運站多d，雖然店舖細細，但裝修一d都唔馬虎，都唔少德國特色既裝飾，所以氣氛都唔錯，係門口仲有唔少椅可以比大家叉叉電。佢就主打友呢隻手工啤，但今次黎到就已經賣曬，所以轉左飲隻德國啤，都幾有甘甜味，唔錯。薯片都係大路果隻美國粟米片，但佢就配左個秘制醬汁，有少少辣同埋酸酸地，幾過癮，食落都幾開胃，做前菜就幾唔錯。豬手方面，炸得岩到好處，d皮夠曬脆同新鮮，連埋層豬油食，配埋啤酒，真係好難抵抗呀豬肋骨佢就煮到係彈牙爽口，咬落去有陣肉既回彈，好有口感，唔會似d煲過湯果d豬肉咁，仲配埋個芝士薯蓉，真係岩到好處。薯條方面，都夠曬新鮮香口，夠曬脆。

十月德國啤酒節 疫情之下已經没有任何活動舉行 見到呢間餐廳有活動 post就即刻唸住一試 打去book位 一直冇人接 唸住walk in雖然等位 最後都可以入坐 安頓咗便落單啦 我按照個post咁 show比個 waiter點知 佢話要早一天預訂 理由係要雪定d啤酒 我再睇咗好多次 post 真係冇寫要早一日預訂 最後唯有叫套餐 食物方面 墨西哥脆片似現成超市果d肉腸併盤正正常常 德國豬手 我第一次見到上枱已經碎上 唔係原隻總結食物質素正常 不過做生意唔老實囉

今晚將會係一個德國之旅…………………..! 呢日黎到DAS BIER! 食我期待左好耐好耐既脆脆咸豬手!!! 餐廳冇實體餐牌, 你SCAN 完QR CODE 就係電話月睇餐牌, 再叫店員落單! 其實咁樣幾好! 疫情關係我都唔係咁多掂D 餐牌,係自己電話睇就好好多!~ 我地叫左脆皮豬手, 墨西哥片同埋豬肋骨! 當然唔少得德國啤!!!! 脆皮豬手真係好正…. 就係呢隻味! 好中意呢度自動已經俾左一兜MUSTARD! 點埋豬手黎食將個味提升哂! 仲有佢有個酸酸地既薯仔沙律伴碟, 夠哂開胃! 墨西哥片就跟左一兜自家製既原粒蕃茄醬! 點黎食好refresh! 又唔膩! 好快就成碟食哂hahaha! 豬肋骨超大份…. 勁香既燒烤醬味!!! D 骨未去到一咬就離骨, 我最中意呢隻! 可以LUN下骨!!!!!!!! 好好食…. .仲有配埋薯條, 再飲埋啤酒!! 充滿德國風情!

好耐冇食德國炸豬手，有啲掛住，咁啱朋友介紹，所以黎咗呢間德國餐廳食德國菜。餐廳唔叫大，但大窗戶令到視覺感寬落，感覺好似係德國食緊晚餐。🤣🤣🤣成日都叫炸豬手，今次係menu見到有鹹蛋黃豬手，mix咗德國同香港地道風味，緊係要試下。😎豬手好大份，外層炸得非常香脆，重要啖啖肉，食得好滋味。炸豬手配埋鹹蛋黃醬，食落香濃，唔乾身，好好食。😍朋友話想食香腸，所以我地叫咗德國香腸拼盤，拼盤有4款口味，有流心芝士，都有辣味，實有一款啱你。😆😆😆重有薯角，所以實飽肚。👍🏻食咗太多肉，想食返啲菜，所以叫咗西班牙風乾火腿配凱撒沙律。估唔到份量幾大，一個大木碟裝滿凱撒沙律，重有唔少嘅風乾火腿。👍🏻果然，食完肉都係要食返啲菜先冇咁有罪疚感。🤣🤣特別之處係，竟然有酸瓜，好fresh，解油膩感。餐廳好多人都有嗌德國啤酒，但因為我同朋友唔太飲得，聽日又返工，所以要留返下次gathering先飲。

呢間德國餐廳的豬手唔錯😋😋😋皮脆，肉都算嫩！👍👍係大角咀嘅小店，生意唔錯，當晚全場full左😷...防疫期間，用電子餐牌，值得讚下！兩個人食左個豬手，加一份超級腸，份量已經夠飽😄豬手的皮烤得好好，食到最後再食豬皮，都尚可以keep到脆脆的，肥肉唔多，唔會好漏嘅感覺！超級腸有好多唔同嘅腸擺埋一齊，有d好食d，有d無咁好食，source配合得幾好👍薯條係我鍾意嗰種粗薯條，有好多薯蓉係裡面！😍😍遺憾嘅係個晚menu有嘅酒好多都無...

今晚我地係大角咀匯豐中心附近嘅德國餐廳食德國菜，餐廳名真係叫做德國餐廳😂🤣已經係第4次黎食德國餐廳，因為呢間餐廳抵食，又好食，而且可以飲到德國啤酒同德國豬手，味道同我係德國食過嘅好似！👍🏼👍🏼我地叫咗西班牙風乾火腿配凱撒沙律、德國香腸拼盤同埋鹹蛋黃豬手。西班牙風乾火腿配凱撒沙律。大碗完全裝滿嘅西班牙乾火腿同沙律，份量十分多！餐廳用咗靚嘅乾火腿，令我食整唔停口🤤🤤德國香腸拼盤。德國除咗啤酒外，最出名就係香腸。德國香腸比香港香腸好食好多！所以黎呢間餐廳一定要叫德國香腸！呢個拼盤有4種香腸，每種味道、口感都完全唔同，值得一試😍😍鹹蛋黃豬手。呢間餐廳整得重好食過德國，可能乎合香港人口味。餐廳將豬手皮炸得好脆，好似乳豬咁👍🏼👍🏼 肉質嫩滑多汁，推薦大家要黎試下！