水門雞飯 (萬勤商業大廈)

Open Now

Now Closed

之前有同事推介我食水門雞飯，但係一直冇搵到機會，今日咁啱食lunch嗰陣經過見到，就入去試試佢水門雙拼雞飯先嗌咗個雙拼飯，試晒海南雞同埋炸雞，海南雞食嗰陣係凍嘅，肉質都算滑身而且唔嚡口，冇乜骨，對此我都表示滿意。而炸雞方面都炸得幾香脆，同埋加上有少少調味，食落特別香口，呢個飯仲配咗幾款汁可以自己根據口味點。喺飯嘅基礎上，再加配左兩串豬肉串燒，即刻升級晒成件事，個串燒食落都唔錯，惹味而不鹹，好友泰式風味。因為平時都鍾意食菜，特登嗌咗碟泰式炒通菜，因為見到有少油嘅選項，我就再揀咗少油，令到成件事更加輕盈，食落都幾夠鑊氣而且我覺得辣到啱啱好唔會話搶咗本身通菜嘅味道。