小草十八怪

Open Now

Now Closed

📍呢間主打米線餐廳超方便，喺油麻地地鐵站一出，行唔使1分鐘就到。嚟到呢度食咗佢哋招牌嘅石鍋米線，如果揀夠六個餸或者以上嘅話會用石鍋上，仲可以自己煮！同埋佢嘅湯都好特別，同出面嘅米線湯底唔同，有火腿瑤柱肉骨湯、沙嗲湯同蟹黃湯揀。餸菜都有成30幾款。揀咗蟹黃湯，倒入石鍋果下湯底會即刻沸騰，呢個時候就可以即刻落米線同埋要煮熟嘅配料，感覺好似自己DIY煮米線！最好味係五香辣豬軟骨，食落口辣辣地夠惹味。串燒推介燒茄子，面頭好多蒜蓉，同埋都燒得好軟稔多汁。加錢$18仲可以轉特飲，佢嘅飲品選擇都多，有近排大熱鴨屎香檸檬茶、苦瓜檸檬茶等等，夠晒大杯！