Video
Read full review
2023-01-10
3835 views
📍銅鑼灣-旭🤍果日去咗銅鑼灣食旭🥹~ 兩三個月前Book咗位 終於上個禮拜去咗食♪( ´θ｀)ノ我係食lunch嘅！如果有興趣試嘅朋友 都要打去問下幾時有位呀！記得唔好walk in 摸門釘🚪🥲🇯🇵 煦, 一人前 $480 🎌好基本地有包前菜主食同埋甜品！❤️😋大家可以睇返上面嘅幅相，因為已經逐一有晒佢哋嘅名同埋嘢食嘅相片 大家做返reference喔！🥗藜麥沙律(配芝麻醬) 就咁睇呢個沙律都已經覺得幾有誠意🤣🤣好似好少何會見到餐廳落藜麥😍所以食落去都覺得自己健康咗🍳茶碗蒸茶碗蒸正常水準吧 蛋嘅質地夠滑！另外都有好多配料(///▽///)🐟日本鱈魚 呢一款日本鱈魚，總共有三舊！首先師傅好有心咁煎香左個魚皮！食落去都幾香口 另外我覺得魚嘅肉質真係好好食！冇誇張🤣🤣❤️外脆內軟 魚嘅香味煎完亦都好出！🦐日本大蝦一上嘅時候 我哋嗰個問師父究竟啲蝦膏去咗邊🤣🤣原來係落咗去炒蝦肉！所以你見到蝦身係橙橙地色嘅🧡另外側邊都配上左蔬菜！減輕油膩感🌊蒜蓉蟶子除咗蒜蓉之外 師傅仲放咗蘆筍入去😍我覺得蘆筍反而幾好食 蟶子普普通通 肉質都幾q彈😂但係冇話好驚人！🥣大蝦頭麵豉湯好啦 謎底已經解開！蝦頭就係俾師傅拎咗
果日去咗銅鑼灣食旭🥹~ 兩三個月前Book咗位 終於上個禮拜去咗食♪( ´θ｀)ノ我係食lunch嘅！如果有興趣試嘅朋友 都要打去問下幾時有位呀！記得唔好walk in 摸門釘🚪🥲
🇯🇵 煦, 一人前 $480 🎌
好基本地有包前菜主食同埋甜品！❤️😋大家可以睇返上面嘅幅相，因為已經逐一有晒佢哋嘅名同埋嘢食嘅相片 大家做返reference喔！
🥗藜麥沙律(配芝麻醬)
就咁睇呢個沙律都已經覺得幾有誠意🤣🤣好似好少何會見到餐廳落藜麥😍所以食落去都覺得自己健康咗
🍳茶碗蒸
茶碗蒸正常水準吧 蛋嘅質地夠滑！另外都有好多配料(///▽///)
🐟日本鱈魚
呢一款日本鱈魚，總共有三舊！首先師傅好有心咁煎香左個魚皮！食落去都幾香口
另外我覺得魚嘅肉質真係好好食！冇誇張🤣🤣❤️外脆內軟 魚嘅香味煎完亦都好出！
🦐日本大蝦
一上嘅時候 我哋嗰個問師父究竟啲蝦膏去咗邊🤣🤣原來係落咗去炒蝦肉！所以你見到蝦身係橙橙地色嘅🧡另外側邊都配上左蔬菜！減輕油膩感
🌊蒜蓉蟶子
除咗蒜蓉之外 師傅仲放咗蘆筍入去😍我覺得蘆筍反而幾好食 蟶子普普通通 肉質都幾q彈😂但係冇話好驚人！
🥣大蝦頭麵豉湯
好啦 謎底已經解開！蝦頭就係俾師傅拎咗去滾湯😍😍❤️比起一般嘅麵豉湯更加有鮮味～ 更加有層次感
🥩美國牛肉片
呢個名好似比我譯得有啲廉價😂😂！但係食得出牛肉應該係靚嘢嚟嘅🤪🤪師傅會問你想食厚身定係想食薄身
因為我同幾位朋友去食 所以我哋就叫咗一半厚身一半薄身！我自己比較鍾意厚身 即係好似牛扒咁嘅質地同厚度！❤️❤️食落去冇咁油膩！相反 薄身嘅牛肉食落去 勁多油脂 會好飽！
🍚煙肉炒飯
呢個煙肉炒飯 我覺得麻麻地 唔會話特別香口 不過睇得出好足料！去到呢個位嘅我已經食唔晒😂😂😂已經包咗做外賣
🍞砂糖多士
知唔知咩係砂糖多士呢？ 就係落一對砂糖落去鐵板度 炒到佢變燶 再放塊多士落去！😍😍❤️冇錯係好肥，但係好好食！
🍵抹茶雪糕
嚟到甜品嘅部份 可以揀叫雪糕或者咖啡！咁啱嗰日係抹茶雪糕 食落去好重抹茶味 另外亦都好creamy🤍喂上面嗰個砂糖多士一流
☕️熱咖啡
上面都睇到我同幾個朋友去食 佢哋唔飲咖啡俾咗我飲 呢間嘅咖啡係細細杯 而且係用忌廉奶 所以十分之日式同埋香嘅感覺！🤍
整體而言我覺得一開頭嘅魚同埋大蝦比較驚艷到我！反觀中間嘅蟶子 炒飯都麻麻哋！btw 後邊個砂糖多士再配雪糕真係邪惡得好交關！😈😈👹
——————————
🇯🇵旭
地址: 銅鑼灣希雲街38號地下2號舖
Post
