西香記 (Closed)

今日同兩位大陸同事食午餐 其中一個興高彩烈咁話發現一間食陜西菜既餐廳 食過覺得好好味 叫我地一齊去嘗試下 ！既然佢講到咁 就一於出發喇！間店唔難搵 一出地鐵站行兩分鐘就到！一入到去 俾我既感覺係好有大陸餐廳風格...室內燈光較暗 而且餐廳較舊 連張收據都要簡體打印😂唔望外面街景我以為自己返左大陸！同場除左我一個香港人 聽得出其他食客都係講國語...果然真係居港大陸人解思鄉既食堂！因為唔係好肚餓既關係 我只叫左一份出名既金牌肉夾饃！似簡化版既漢堡飽 得肉碎同兩塊麵包（我估正確應該叫饃）！聽大陸同事講呢款飽係大陸好普遍 但香港就好難搵 而且食落味道同大陸既差唔多 所以好難得！其實我第一次食陜西菜 唔可以話負評 只係食唔慣...兩塊飽較乾同無味 肉就有陣淡淡既香料味 整體黎講普通 但對面既同事就食到好滿足！