Video
Read full review
2021-02-16
2722 views
我至愛任食或者自助餐，貪款式夠多，又可以每款先試少少，好味先再添食😆 所以，我哋安排咗元旦1月1號嚟到中環「FUMI」試試以🥢All you can eat形式嘅🍣日式Sunday Brunch☀️「FUMI」位於中環德己立街一座新式商業大廈之中，環境唔錯👍🏻不過，餐廳位於嘅商業大廈就不設停車場，所以如果揸車嚟嘅，就需要係附近停車場🅿️搵位泊車。或者，搭港鐵可以由中環站D2出口，步行約4-5分鐘。餐廳環境闊落、裝修簡約舒適👍🏻 Sunday Brunch用餐時間可以由中午12點至下午3點，時間非常充足，唔似一般日式放題食到好趕🏃♀️而且，最近做緊買3送1優惠，即係4人同行收3人價錢（免費最低價錢果位），公眾假期都可以享有呢個優惠，真係好抵💥大人$480/位+10%、小童$280/位+10%。（飲品或酒類另計）⚠️特別留意，最近做緊額外優惠，訂座後如果提早入數每位$200訂金，就可以每位送一隻牡丹蝦刺身🦐😋⚠️呢隻蝦刺身幾大隻、又鮮甜，值得一試👍🏻雖然名為All you can eat 放題，但要留意‼️主菜每位只限選一款、甜品亦不能任食，係由餐廳按每檯人數綜合做一個甜品拼盤。餐廳職員非常貼心💖入
「FUMI」位於中環德己立街一座新式商業大廈之中，環境唔錯👍🏻不過，餐廳位於嘅商業大廈就不設停車場，所以如果揸車嚟嘅，就需要係附近停車場🅿️搵位泊車。或者，搭港鐵可以由中環站D2出口，步行約4-5分鐘。
餐廳環境闊落、裝修簡約舒適👍🏻 Sunday Brunch用餐時間可以由中午12點至下午3點，時間非常充足，唔似一般日式放題食到好趕🏃♀️而且，最近做緊買3送1優惠，即係4人同行收3人價錢（免費最低價錢果位），公眾假期都可以享有呢個優惠，真係好抵💥大人$480/位+10%、小童$280/位+10%。（飲品或酒類另計）
⚠️特別留意，最近做緊額外優惠，訂座後如果提早入數每位$200訂金，就可以每位送一隻牡丹蝦刺身🦐😋⚠️呢隻蝦刺身幾大隻、又鮮甜，值得一試👍🏻
比訂金後，贈送每位一隻牡丹蝦刺身
68 views
0 likes
0 comments
雖然名為All you can eat 放題，但要留意‼️主菜每位只限選一款、甜品亦不能任食，係由餐廳按每檯人數綜合做一個甜品拼盤。
餐廳職員非常貼心💖入座後會簡單介紹一下menu，並提議第一輪落單可以全個menu各項食物由餐廳安排先嚟每人一件，等我哋試試邊樣食物鍾意食之後，再按自己喜好追加。
由於，前菜唔太吸引，所以我哋跳過前菜，直接由冷盤開始食😋「日式烤牛肉配柚子汁」和「煙燻鴨胸配創味鹽汁」屬普普通通、所以我哋試咗一碟之後就無再追加。
「北海道鱈場蟹腳」🦀凍蟹腳肉質鮮嫩，唔會死實實或鞋拾拾，有些鮮甜蟹味，怪唔之得餐廳內好多檯客人都不斷追加蟹腳 ! 我哋都追加咗3輪。
日式烤牛肉配柚子汁、北海道鱈場蟹腳、煙燻鴨胸配創味鹽汁
83 views
0 likes
0 comments
刺身註明由日本直送，總共有5款可以選擇，分別有「油甘魚」、「甜蝦」、「三文魚」、「吞拿魚」、「帶子」，刺身水準比坊間一般的日式放題好好多，新鮮肥美，而且切得夠厚食落較有口感😋
其中， 「吞拿魚」比一般嘅赤身肥美少少、如果係任食放題質素嚟講，呢個「吞拿魚」已經算非常不錯！
刺身
64 views
0 likes
0 comments
壽司只有餐廳創作嘅卷物，唔似其他日式放題可以有好多款🍣壽司或火炙壽司可以選擇，呢樣比較失色😔 而且，卷物質素一般，味道又唔係好突出......所以，我哋試過一碟之後就無再追加了。
壽司卷物
59 views
1 likes
0 comments
炸物選擇款式亦唔多，只有3款，分別有「炸雞」、「🍤海蝦天婦羅」和「野菜天婦羅2款」。
「炸雞」肉質仍然嫩滑Juicy唔會炸得太乾，「🍤海蝦天婦羅」和「野菜天婦羅2款」的天婦羅炸漿外殼唔會太厚👍🏻 蝦嘅質素ok，野菜今日有南瓜、秋葵和粟米芯、水準不錯，炸完嘅南瓜和粟米芯食落幾鮮甜。我哋追加咗兩次炸物🥢😋
炸雞、海蝦天婦羅和野菜天婦羅
48 views
0 likes
0 comments
串燒燒物有「雞翼」、「豬腩肉」、「牛油粟米🌽」和「迷你甜青椒🫑」。串燒賣相幾好，雞翼和豬腩肉都燒得香口，調味和肉質都ok，屬正常水準；可惜牛油粟米唔係好甜又無乜味、而且咬落有渣，同甜青椒一樣麻麻地👎🏻所以，燒物我哋都無再追加。
串燒燒物
52 views
0 likes
0 comments
輪到每位只限選一款的「主菜」，我哋一行四人分別揀咗「銀鱈魚味噌燒」、「A4宮崎和牛冰見烏冬」、2份「迷你香蔥碎吞拿魚魚腩丼」。
我哋將主菜分開大家share每款都試吓，大家試過之後都認為「銀鱈魚」味道適中、魚肉質地滑嫩，不錯！「和牛烏冬」上面有一片大大塊嘅和牛，牛肉入口油脂感重、牛味濃😋真係有A4和牛嘅質素👍🏻烏冬係幼身似稻庭烏冬。
「吞拿魚魚腩丼」細細碗，魚蓉唔係好肥美，水準一般。3款主菜之中，烏冬屬份量最多。
主菜「銀鱈魚味噌燒」、「A4宮崎和牛冰見烏冬」、「迷你香蔥碎吞拿魚魚腩丼」
377 views
1 likes
0 comments
食飽飽之後，可以叫職員上甜品，甜品唔係任食，係由餐廳按每檯人數綜合做一個賣相幾精美嘅「甜品拼盤」。甜品拼盤望落非常吸晴👀，上檯嘅時候一直噴住乾冰造成嘅白煙✨幾特別呢！
甜品拼盤內包括沖繩海鹽味雪糕、朱古力糯米糍、西瓜、士多啤梨、日式葛餅，每位各一件。
甜品拼盤
239 views
0 likes
0 comments
綜合，今次呢間餐廳環境乾淨舒適、職員服務態度殷勤有禮、食物選擇雖然唔算好多款，但食物質素比坊間一般的日式放題高、而且有3小時用餐時間非常充足，以呢個價錢可以係中環區休休閒閒享受一個任食Sunday Brunch，性價比算幾OK呢👌🏻👌🏻所以，如果大家想食高質一啲嘅日式放題，不妨可以嚟「FUMI」試試！😋
Post
