Video
Read full review
2018-09-07
302 views
人生第一次食omakasa ，真係好期待，去到鮨鶴，發覺喱到裝修好日式，好靜。我地坐左係bar枱，有大概4枱人，所以師傅都好忙。前菜3點：有未來粟米，湯葉同黑梅貝。勁鍾意食呢個未來粟米，一開始見佢係生嘅，仲覺得好搞笑，點知一食落去真係好清甜，完全冇草青味，食完一舊又想再食多舊。湯葉係日本豆腐皮，食落去淡淡嘅豆腐香味，有少少似我哋香港嘅腐竹，口感亦都幾好。黑梅貝係螺類咁，食落非常爽口彈牙。北海道珍蠔：呢個北海珍蠔真係不得了，非常鮮甜，而且好大隻，食完之後成個口腔都係嗰陣海水味同埋蠔，非常新鮮。玫魚子海膽茶碗蒸：喱個應該係我食過最好食嘅茶碗蒸，佢嘅魚子好大粒好鮮甜！ 海鮮都新鮮，啲蛋索哂啲汁，正！海螺，北寄貝，平政，依左目：四個都係刺身，粒貝同北寄貝好爽口。店員話平政係比油甘魚高一個level, 我覺得口感食落同油甘魚差不多，新鮮！ 依左目係火炙，所以食落香口。煮鮑魚：好入味，鮑魚唔韌，仲有冬菇！我覺得熟食仲正過魚生，可能我比較鍾意熱食！白蝦，春薑：職員話呢個白蝦係配青魚內藏（唔係好記得），食落口感我覺得有啲似魷魚。春薑係俾你係食壽司之前清一清個口，呢個春薑好好味，唔似平時喺壽司店食嗰啲一
前菜3點：
有未來粟米，湯葉同黑梅貝。勁鍾意食呢個未來粟米，一開始見佢係生嘅，仲覺得好搞笑，點知一食落去真係好清甜，完全冇草青味，食完一舊又想再食多舊。湯葉係日本豆腐皮，食落去淡淡嘅豆腐香味，有少少似我哋香港嘅腐竹，口感亦都幾好。黑梅貝係螺類咁，食落非常爽口彈牙。
10 views
0 likes
0 comments
北海道珍蠔：
呢個北海珍蠔真係不得了，非常鮮甜，而且好大隻，食完之後成個口腔都係嗰陣海水味同埋蠔，非常新鮮。
8 views
0 likes
0 comments
玫魚子海膽茶碗蒸：
喱個應該係我食過最好食嘅茶碗蒸，佢嘅魚子好大粒好鮮甜！ 海鮮都新鮮，啲蛋索哂啲汁，正！
10 views
0 likes
0 comments
海螺，北寄貝，平政，依左目：
四個都係刺身，粒貝同北寄貝好爽口。店員話平政係比油甘魚高一個level, 我覺得口感食落同油甘魚差不多，新鮮！ 依左目係火炙，所以食落香口。
7 views
0 likes
0 comments
煮鮑魚：
好入味，鮑魚唔韌，仲有冬菇！我覺得熟食仲正過魚生，可能我比較鍾意熱食！
9 views
0 likes
0 comments
白蝦，春薑：
職員話呢個白蝦係配青魚內藏（唔係好記得），食落口感我覺得有啲似魷魚。春薑係俾你係食壽司之前清一清個口，呢個春薑好好味，唔似平時喺壽司店食嗰啲一片片咁，但係有啲辣。
6 views
0 likes
0 comments
筋子，鯖魚，赤魚，秋刀肉：
今次就麻麻哋，個口感有少少唔鍾意，鯖魚同埋赤魚味道幾好，佢每個壽司都係會有調味，基本唔使點豉油都夠味。
6 views
0 likes
0 comments
牡丹蝦，赤身，毛蟹：
呢三款壽司比較鍾意食牡丹蝦，個蝦上面仲有啲櫻花蝦同埋醬，非常濃味！毛蟹亦都唔錯，啖啖蟹肉。
6 views
0 likes
0 comments
味噌湯：
好好飲，仲好足料，有魚肉，螺，好飲！
石桓貝，大拖羅，海膽，手卷：
個石桓貝好新鮮，上枱仲識郁嘅。大拖羅好厚身。第一次食咁多海膽嘅壽司，但食到最後有啲飽，就覺得有啲漏。手卷普通。
8 views
0 likes
0 comments
小玉西瓜：
幾甜！
8 views
0 likes
0 comments
女仔侍應服務態度幾好，主動同我地介紹返每款食物。
Post
