Zooba Bar & Grill (Closed)

响寶勒巷做完嘢，同事話不如响附近飲杯野食晚飯，又好啫。 行過赫德道，見到呢間餐廳中門大開，望入去情調幾特別，原來係食中東菜嘅。中東菜對我嚟講好陌生，咁有緣，一於體驗吓。 因為未食過，都唔知叫咩菜式好，唯有睇餐牌介紹食物有咩材料、煮法、調味料方面嘅資訊嚟決定......據說阿拉伯地區盛產香料，因此中東菜比較多用香料。Shish Taouk前菜係雞肉串燒，伴有沙律菜同埋蒜蓉醬，沙律菜新鮮爽口，又好食。串燒雞肉有3件，由洋蔥、甜椒隔開，味道口感都唔錯主菜叫咗2人埃及燒烤拼盤，拼盤配有菜湯同中東碎米。店員教我哋將中東米撈勻，分放响碟上，試吓就咁食，個人覺得都係撈湯好食。個湯有紅蘿蔔、薯仔、黃芽白等蔬菜，好飲。Egyptian Mixed Grilled Platter for two燒烤拼盤有羊扒、雞胸、免治羊肉做的Kefta、羊肉香腸、薯角、蕃茄同雜菜沙律，加埋中東白芝麻醬。肉類用特殊香料醃過再燒烤，羊扒同羊肉香腸一啲都唔羶。飲品係熱情果特飲同Mojito，兩款都清新解渴，好飲喎。一邊聽音樂，一邊傾謁，歡樂時光好快過，一個唔錯嘅嚐新體驗。