Santorini Greek Restaurant

Open Now

Now Closed

希臘菜係香港並唔常見，俾我係中環蘇豪區發現有一間，別緻嘅希臘風嘅白色門口已經好吸引到我😳🔸Spanakopita🔸即叫即焗嘅菠菜酥，酥皮又脆又鬆化，以菠菜同羊奶芝士做餡料，食落口感creamy，但又一啲都唔油膩，不愧為希臘特有菜式之一😋🔸Saganaki Cheese🔸羊奶製嘅硬質半白芝士，外層炸皮又薄又酥脆，內面芝士趁熱食超正，咸咸嘅奶香味十足🤤🔸Grilled Octopus🔸烤原條八爪魚腳🐙真係超大條！食落唔韌好有口感，加上酸酸甜甜嘅紅酒醋，亦可以沾鷹嘴豆醬一齊食，開胃又清新👍🔸Grilled Souvlaki🔸食希臘菜無理由唔食烤肉串😳加咗香草烤製嘅羊同牛肉串，好香炭烤味👍外層微燋，但依然好有肉汁，兩款都肉味十足😍配菜仲有比得包同滿滿嘅炸薯條，一碟份量已經夠晒兩個人食😳🔸Greek Yogurt🔸最後甜品係希臘乳酪！好似牛奶雪糕咁軟滑🤤再加上大量蜜糖同合桃，酸酸甜甜，為呢餐畫上完美句號✨希臘菜較多用芝士入饌，鐘意食芝士嘅人一定要試吓🧀另外佢哋嘅烤肉串亦非常出色，食肉獸朋友都讚不絕口，仲話下次要再嚟試埋豬同雞肉串呢😆