談風：vs：再說 (Closed)

難得放假，兩粒塵飄左去觀塘區試新野，談風：VS：再說地點唔算難搵，但的確幾隔涉。由街外到行到入大廈，再入𨋢，係唔會想像到店內既環境係可以咁平靜，咁有文藝格調。店內既枱櫈雖款式不一，但全是木製，俾人感覺好一致、和諧。我地預先訂左兩點鐘既枱，唔需要等就可以直接入位。細心既職員唔需要睇紙就可以記得我地既姓氏。相信午市既餐牌係日日都一樣，我地點左一個墨汁魷魚意大利飯同薯蓉配白牛肉腸。未講主菜，先講既應該係由食店自製既啤酒麵包。兩塊細細塊既三角形方包，應該岩岩烤熱，所以食落好脆，一入口有淡淡啤酒味。搽埋牛油就帶少少微咸。鍾意食麵包既兩粒塵都覺得唔錯。先上碟既係意大利飯，其實賣相係幾唔錯、不過兩粒塵一時忘記要俾相機食先，所以唔好介意相中有地食過既跡象。意大利飯既口感幾唔錯，雖然開頭覺得d汁好似太多，有d類似湯既汁。但d飯又唔會因為咁而好淋。而個味道係偏忌廉味，但有d香草加埋一齊食唔會好溜。第二道主菜出場，係白色牛仔腸配薯仔、洋蔥。個洋蔥真係好好食，薯仔有少少似薯蓉，又蓉唔哂，配合醬汁都好味。但白色牛仔腸就比較遜色，因為比較普通，總括而言，都算唔錯了！最後值得一讚既係作服務唔錯，坐耐少少都得，唔會成