藏 (Closed)

食日本野一般俾人感覺好輕盈，少鹽少油食極唔肥咁。 今日同姊妹們食飯，嚟咗KURA食Omakase。 但今次特別啲，嚟一個hot dish omakase，無魚生嘅，好期待。 先揀返支酒做配搭，店員推介呢款【匠 純米大吟釀】，大大支，價錢又唔貴，啱晒開心share。 入口香醇柔和，唔嗆鼻，米酒味重又帶少少果香，好啱女仔飲。嘢食陸續上枱。前菜係汁煮鮑魚，新鮮彈牙，開開胃。海膽蒸蛋我覺得係最好食嘅一道菜，蒸蛋超嫩滑，而三文魚籽同海膽嘅鮮味滲入蛋入面，正！Hot dish係油揚卷物，油揚包住甘筍同魚肉，味道清淡。龍蝦牛油燒都係好好食嘅一道菜，龍蝦肉質彈牙又有香濃牛油味，配菜有甜栗子同可愛魷魚仔。什錦天婦羅當然有炸蝦，最特別係有紫蘇葉包蟹肉，味道清香仲有啖啖蟹肉。 帶子亦出色，好厚肉。 仲有最右邊嘅炸梅子麵，又靚又好食。傾計中途見兩個師傅好細心咁慢慢片籮白再切絲，以為佢整乜正野，原來係下一道菜野菜手卷。熱烏冬係最後嘅主食，飽肚又暖身，湯底清甜。最後甜品係爽甜嘅日本富有柿同小蛋糕。另外仲有情人節餐供應，餐牌有心思好精美。