Video
Read full review
2010-04-08
140 views
由細到大，都知到呢間野出名，好想試下，直至今時籍著一個重要紀念日才有機會幫襯。好啦，終於第一次黎食，同老友入去勁大鄉里，左影影，右拍拍，比鄰台的國內同胞更似遊客。黎之前已做定功課，預左叫套餐。套餐有兩種，一為HK$1,400 一位，另一種為HK$2,600 一位，兩種套餐菜式差唔多，主要分別在於鮑魚頭數及翅的質量，我地選擇後者，包紅酒兩杯。首先黎碗海虎翅，翅同上湯上桌後才撈埋，翅多、湯濃，正 !! 跟著再上20頭鮑魚配鵝掌，加生菜一碟，可能隻鮑魚太細 (同幾十蚊一隻D南非鮑仔差唔多大細)，糖心不足。呢隻20頭乾鮑細細隻，散叫要成HK$1,600一隻。至於配角方面，有炸子雞同阿一炒飯。聽講阿一炒飯出名，特意將荷葉飯轉為阿一炒飯，傳聞粒粒飯炒出黎都唔黐，上桌後方知因為碟飯落得太多油炒，多油當然唔黐啦! 家庭觀眾應該都做到。至於炸子雞，略乾，比朗豪酒店明閣遜息。 最後記住留肚食椰汁或杏汁燕窩，分量十足，絕不戲場，一碗兩個人分都夠。是日閒日坐位只有7成滿，員工服務殷勤。 其實富臨屬一間舊派酒家，菜式傳統，普通小菜每款只是百零蚊，食餐便飯幾舊水都得，但相信無乜人會齋叫小菜。據知，楊貫一於200
好啦，終於第一次黎食，同老友入去勁大鄉里，左影影，右拍拍，比鄰台的國內同胞更似遊客。黎之前已做定功課，預左叫套餐。套餐有兩種，一為HK$1,400 一位，另一種為HK$2,600 一位，兩種套餐菜式差唔多，主要分別在於鮑魚頭數及翅的質量，我地選擇後者，包紅酒兩杯。
首先黎碗海虎翅，翅同上湯上桌後才撈埋，翅多、湯濃，正 !! 跟著再上20頭鮑魚配鵝掌，加生菜一碟，可能隻鮑魚太細 (同幾十蚊一隻D南非鮑仔差唔多大細)，糖心不足。呢隻20頭乾鮑細細隻，散叫要成HK$1,600一隻。
至於配角方面，有炸子雞同阿一炒飯。
聽講阿一炒飯出名，特意將荷葉飯轉為阿一炒飯，傳聞粒粒飯炒出黎都唔黐，上桌後方知因為碟飯落得太多油炒，多油當然唔黐啦! 家庭觀眾應該都做到。
至於炸子雞，略乾，比朗豪酒店明閣遜息。 最後記住留肚食椰汁或杏汁燕窩，分量十足，絕不戲場，一碗兩個人分都夠。
是日閒日坐位只有7成滿，員工服務殷勤。 其實富臨屬一間舊派酒家，菜式傳統，普通小菜每款只是百零蚊，食餐便飯幾舊水都得，但相信無乜人會齋叫小菜。
據知，楊貫一於2009年獲得國際御廚協會選為「御廚中的御廚」，為全球第一位獲此殊榮者，雖然我覺得物有所值，但係依然覺得好貴。
加一後埋單約HK$5,800，食左個半鐘，價錢相等於兩位泰國5天團...........
Post