牛屋餐廳

Open Now

Now Closed

原來係佐頓有兩間同名似樣既鋸扒餐廳，兩間個menu比較會見到一間會專食扒，另外一間就雜錦咩都有啲咁樣當然今日講呢間就係前者。我都係見到有個幾吸引就俾佢引左入去—威靈頓牛柳。呢款食物我其實聽聞左好多次係地獄廚神既拿手菜，不過要係香港食到除左有錢仲要有時間心思去卜位...... 我呢啲窮西唯有食住次一等先，上網睇過整威靈頓牛柳都係好複雜，所以佢嘅價值係包左用料、技術同心機。呢一件野就值二百幾蚊如果我加埋個酥皮湯就加多$24 ，由於我係第一次食同埋個酥皮湯亦都幾好飲所以我會俾佢好高分。同埋睇到佢餐牌其實其他扒餐性價比高平均$150就有交易，所以有興趣鋸扒不妨一試。