Video
Read full review
2019-07-19
47 views
工業區內嘅餐廳一向都會好早收工，甚少做晚市生意嘅係火炭呢頭返工嘅朋友同我講佢最近發現到一間好食又特別嘅蒸氣鍋餐廳 - Drink氣鍋餐廳裝修設計有別於一般蒸氣鍋食肆，佢嘅門面至到內部裝修都似一間cafe或者食西餐，邊個會估到佢係玩蒸氣鍋原來唔止裝修特別，就連食物配搭都好不一樣喎佢哋每一款食物都會配上唔同嘅蔬菜，但唔係一般嘅菜心、生菜之類，而係蒜芯、花生芽、翡翠苗、紫椰菜花等等青花龍蝦新鮮彈牙之餘仲有少少膏，龍蝦肉非常飽滿，鮮味十足！北海道扇貝真係啖啖精華，肉質幼嫩爽口，扇貝嘅汁仲好濃郁鮮甜。鮮拆蟹肉手工玫瑰花生豆腐就最搶眼同特別，外型真係整到玫瑰花型狀之餘個顏色係呈淺淺地嘅灰藍色。原來餐廳係加入左蝶荳花，豆腐質感同一般認知嘅豆腐質感完全係兩回事。呢款豆腐咬落質感軟綿，唔會一咬就散開，同埋真係有種花生味！配合豆腐裡面嘅蟹肉，又幾夾喎！呢個豆腐真係睇得又食得貴妃蚌拼蕃薯貝處理吐沙方面做得好好，一粒沙都無食到！比起平時食開嘅沙白蜆更加大隻，同埋鮮味係更加濃，最驚喜係爆汁！紫葱栗子蒸雞鋪滿我好鐘意食嘅紫洋葱，佢比起一般嘅黃 / 白洋葱多一股甜味，亦會帶有好重嘅香味，最重要係比黃 / 白洋葱營養
係火炭呢頭返工嘅朋友同我講佢最近發現到一間好食又特別嘅蒸氣鍋餐廳 - Drink氣鍋
餐廳裝修設計有別於一般蒸氣鍋食肆，佢嘅門面至到內部裝修都似一間cafe或者食西餐，邊個會估到佢係玩蒸氣鍋
原來唔止裝修特別，就連食物配搭都好不一樣喎
佢哋每一款食物都會配上唔同嘅蔬菜，但唔係一般嘅菜心、生菜之類，而係蒜芯、花生芽、翡翠苗、紫椰菜花等等
青花龍蝦新鮮彈牙之餘仲有少少膏，龍蝦肉非常飽滿，鮮味十足！
北海道扇貝真係啖啖精華，肉質幼嫩爽口，扇貝嘅汁仲好濃郁鮮甜。
鮮拆蟹肉手工玫瑰花生豆腐就最搶眼同特別，外型真係整到玫瑰花型狀之餘個顏色係呈淺淺地嘅灰藍色。原來餐廳係加入左蝶荳花，豆腐質感同一般認知嘅豆腐質感完全係兩回事。
呢款豆腐咬落質感軟綿，唔會一咬就散開，同埋真係有種花生味！配合豆腐裡面嘅蟹肉，又幾夾喎！呢個豆腐真係睇得又食得
貴妃蚌拼蕃薯貝處理吐沙方面做得好好，一粒沙都無食到！比起平時食開嘅沙白蜆更加大隻，同埋鮮味係更加濃，最驚喜係爆汁！
紫葱栗子蒸雞鋪滿我好鐘意食嘅紫洋葱，佢比起一般嘅黃 / 白洋葱多一股甜味，亦會帶有好重嘅香味，最重要係比黃 / 白洋葱營養價值高好多！
雞件就蒸得好嫩滑，有時食新鮮雞好驚會食到好鞋嘅肉質，幸好佢呢度嘅雞件無呢個問題出現。
食到最後就要食埋櫻花蝦南瓜黑豚十六穀粥啦
十六穀即係包括有馬豆、綠豆、茨實、杞子、紅米、藜麥等等，每一啖都充滿不同嘅穀香氣味。粥底索滿海鮮及不同嘅蔬菜精華，加上混合咗櫻花蝦同南瓜，粥底已經鮮味十足，係正到會令人食唔到口個種！
食完咁多樣嘢就梗係時候啟動另一個胃食埋個甜品先走啦！
呢度有得叫心太軟，雖然呢款甜品係周圍都有得食，但蒸嘅心太軟又真係第一次見喎！
蒸同焗嘅心太軟其實味道都唔會有太大分別，一樣都係內餡甜美，充滿邪惡嘅朱古力氣息！個分別係外層唔似焗嘅一樣有脆身嘅感覺
不過呢度嘅心太軟都幾好食，仲有一球抺茶雪糕添，食完之後我真係飽到100%啦！
Post
