반찬앤쿡 Banchan and Cook (太古城中心)

Open Now

Now Closed

週末假期去咗太古城中心行街，經過見到「Banchan and Cook」排晒隊好受歡迎，就入咗去試下～店內裝修簡約舒適，採用自助點餐取餐形式。最近仲新推出左10月萬聖節食品黑色海鮮蛋包飯加咗墨魚汁嘅蛋包呈黑色，好嫩滑，啖啖墨魚汁嘅鮮味！珍珠米飯加咗雜菜粒一齊炒香，口感豐富～海鮮有鮮蝦同青口，配上酸甜開胃嘅新鮮茄蓉，好好食哦慢煮羊膝配薯條羊膝大大件，份量十足，採用慢煮方式烹調，肉質軟嫩鬆化，羊肉味道濃郁。另配香脆可口炸粗薯條，薯味香濃甜辣無骨炸雞無骨炸雞外皮脆卜卜，啖啖肉，方便食，雞肉嫩滑多汁，沾滿韓式甜辣醬，好惹味哦！伴碟仲有炸年糕及粗薯條，年糕好Q彈，夠晒飽肚呢韓式雜莓牛角包窩夫最近新興嘅牛角包窩夫🧇賣相一流，表面撒上少許玉桂粉及糖粒，甜甜地～窩夫口感酥脆，外脆內軟，滿有牛油香🧈搭配雜莓及忌廉一同食用，甜美可口科學怪人之夜 (竹炭抹茶)飲品名稱好盞鬼，其實即是竹炭抹茶鮮奶。上層係新鮮牛奶；下層係香濃抹茶，最底層仲有粒粒玄米及果仁，增添口感士多啤梨紅桑子梳打飲品賣相呈粉紫色，好靚呀，女生們影相打卡就啱晒！梳打入口酸酸甜甜，味道清新，冰涼解渴