磅太太 (Closed)

放假去港島消遣係一個唔錯既選擇，貪佢冇旺區咁逼呀嘛。今次見到網上有人推薦呢間餐廳，就特登去試下。有做功課都知道餐廳既表面係一間鎖匙鋪，要觸動某個機關先入到去，夠晒玩味，而門口亦係一個幾好既打卡位。入到去就發現個環境好chill，食客9成都係外國人。我地點左兩份食物，首先講下呢個wok fried frog legs，因為我細個食日食呀媽煮既田雞，之後好多年冇食，所以都好期待。田雞腿都煮得幾淋，配埋紅綠椒吊味，個感覺完全係港式小炒feel!我覺得抗拒食田雞既人可以一試，因為佢係一舊舊肉上，你唔會見到成隻腳🤣不過缺點係份量太細。之後到Duck Tsukuba，佢係一個鴨既肉餅，再配日式醬油同蛋黃撈埋一齊食，感覺都幾特別。我地仲點左兩杯cocktail，呢杯in the mood茶味好重，飲落唔會太heavy。另一杯係期間限定既my way，甜甜地幾易入口，岩晒女仔飲。