李公館

Open Now

Now Closed

呢個星期繼續生日周食飯，同朋友去咗李公館食晚飯，此店於商業大廈內感覺幾雅致,中式食物但又很創新，很多店內自家創作料理，別樹一格，擁有自家的風味。前菜點了他的話梅花彫鮑魚，上枱賣相很吸睛，墊底有乾冰釋出煙霧離漫，感覺有如仙境，鮑魚處理十分爽口彈牙，話梅味中釋出花雕味，兩者互相配合，相映成趣。第二個餸係喇沙煮皇帝蜆，用喇沙湯底去煮蜆，有些東南亞風情，喇沙有海鮮的鹹鮮及香，加上椰汁辣油及豆腐卜，好配白飯。第三個餸係籠仔開邊蝦蒸糯米飯，開邊蝦加上糯米飯，又香又甜，蒜蓉下得很夠，味道很濃。之後食了薑蔥炒蟹（稻庭烏冬底），最重要係有個烏冬底，薑片蔥爆得夠香，烏冬吸收了所鮮味，加上蟹肉及蟹膏，非常惹味，蟹size剛好，夠新鮮彈牙，肉味非常鮮甜。當然有點他們出名的冰鎮咕嚕肉，剛剛炸好的咕嚕肉加上好似冰糖葫蘆嘅外層，外層脆口加上咕嚕肉酸甜汁及生果，非常開胃醒神。最後點了他的肉骨茶炆牛腩牛筋同蘿蔔，又是自家菜式，用肉骨茶嘅湯底煮牛腩味道幾特別，蘿蔔及牛筋吸收了所有湯及杞子，非常清甜，滲出淡淡藥材味。