味苑 (Closed)

今日同男朋友去左灣仔食飯，男朋友突然想食中餐，出左地鐵站行無幾耐就見到一間中菜館，男朋友即刻拖左我入去。環境好大好光猛，座位間好寬闊，男朋友即刻點菜啦！脆皮燒腩仔，燒到好卜脆脆呀，外層豬皮位置入口卜卜脆，肉質鬆化爽口，唔會好肥膩！男朋友秒速清哂一碟呀！蟲草花蝦滑浸翡翠，蟲草花菌味濃香突出，蝦滑最岩我心水呀！蝦滑爽口彈牙，入口清甜架！湯汁清清地唔油膩，好健康啊！欖角牙簽骨，卜卜脆的排骨，咸香軟腍，的確夠哂驚喜！生煎咸魚蓉肉餅，咸魚蓉咸咸地，好吊味，肉餅軟腍脆脆地。最後我地加點一個甜酸菜鴨絲炒河。河粉炒到濕濕地，爽口唔會太碎，鴨絲份量夠多。