Video
Read full review
2019-02-23
76 views
本來黎到希雲街想帶朋友試某間出名既波波冰，但離遠又見人龍，想放棄之際轉個靚身見到呢間雪\下，裝修幾靚又帶偏黃暖色燈光，溫馨得黎又好實在既感覺（相信女人既第一印象）看看餐牌原來全部都係甜品！天啊，作為街坊既我居然對呢間新野毫不知情，二話不說入去試左先講menu選擇不太多，主要係厚班戟/雪冰/飲品既唔同味道變化之選，個「底」基本上都一樣，所以決定試最original 最招牌的兩款：*抺茶紅豆刨冰* 同 *蜂蜜班戟******刨冰：size當然不及對面果間蛋形刨冰咁cute同大，不過諗下喎，呢度價錢幾乎係佢既一半，而且食完後我敢講味道遠超出果個蛋！抹茶味濃得黎帶甘，不會一味只得苦澀，甜度適中，連不嗜甜的朋友都覺得剛剛好；奶味主要來自奶漿同中間既牛奶雪糕（係，原來收埋係中間！surprise !) 香甜而幼滑；刨冰既冰片好幼好碎，但又pack得足夠實唔會輕飄飄咁食到山泥傾瀉上面既紅豆係十勝紅豆，超大粒，甜到起綿；仲有少有既蜜豆/黑豆同場加映，雖然得3粒但非常大同蜜味更濃！整體黎講刨冰🍧係超乎預期的好食！望住食完既碗底有種莫名既「圓滿」，真係要學日本人咁講句「多謝款待」😋😋*****蜂蜜厚班戟：
menu選擇不太多，主要係厚班戟/雪冰/飲品既唔同味道變化之選，個「底」基本上都一樣，所以決定試最original 最招牌的兩款：*抺茶紅豆刨冰* 同 *蜂蜜班戟*
*****
10 views
1 likes
0 comments
13 views
1 likes
0 comments
17 views
0 likes
0 comments
*****
15 views
1 likes
0 comments
基本上叫蜂蜜蛋糕比較貼切；很完美的圓形，偷望下廚房原來係用模具cup住係鐵板度烘煎，有焗煮既效果，可以以較低溫既方法令到蛋糕唔會焗到乾晒，所以整既時間較耐，同埋出黎既蛋糕夠濕潤，冒住水蒸氣咁serve上桌！因為真係好厚，切住食有d似食生日蛋糕咁，而且*非*常*飽*足！ 飯後甜品黎講係第二餐飯黎，當然對我黎講真係小事一樁！好食的當然通通吃掉！
值得一提的是，蛋糕自身微甜，可以就咁食其蛋香味；塗抹牛油再淋上蜂蜜又係另一享受！望落簡單但係都整得好好食
店內位置不多，一排望過去大家都係滿足既樣；雖然厚班戟講到明要等15-20分鐘但小店會先比刨冰（如有order）大家share住食住等，食得黎岩岩好出埋厚班戟，熱辣辣新鮮製作，先「凍」後「熱」，敏感牙齒既朋友要小心d啦
Post
