Video
Read full review
2014-10-29
4064 views
友人見到intercontinental 既NOBU 出左個全日式下午茶, 少見之餘, 仲有利招園綠茶, 所以好有興趣.預早book左星期6, 3:30pm. 去到就可以直接入座.服務當然很好, 而且上tea set 時, 有乾冰煙霧效果, 服務員會提提客人注意.仲俾時間我地影相, 影片.......稍後就會再黎介紹一次tea set 內的食物, 好細心有禮. 有好既服務, 加一服務費係值得.'SIMPLY' T-SET ($288 for 1, $488 for 2) *Platinum Card 8折.咸點 (上層) : 枝豆玉子燒好鮮味, 清淡得黎食到蛋香. 起初還以為抹茶味玉子燒, 服務員一介紹完就明白了.腐皮三文治, 腐皮炸到脆身做成三文治的包, 都幾特別, 而內餡的三文魚過熟帶腥, 夾青瓜同醃黃瓜好日式feel, 但味道不討好.北海道芝士配脆餅, 三文魚芝士條. 芝士軟身濃郁帶甘, 有微微芝士香味, 配脆餅好好味. 三文魚芝士條煙韌香口, 好好咬口既零食.大蝦紙米卷, 有少少越南野feel, 蝦夾著香料, 應該係紫蘇葉既清香, 立即變返日式風味. 大蝦爽口彈牙好味.甜點 (
預早book左星期6, 3:30pm. 去到就可以直接入座.
服務當然很好, 而且上tea set 時, 有乾冰煙霧效果, 服務員會提提客人注意.
仲俾時間我地影相, 影片.......稍後就會再黎介紹一次tea set 內的食物, 好細心有禮.
有好既服務, 加一服務費係值得.
'SIMPLY' T-SET ($288 for 1, $488 for 2) *Platinum Card 8折.
咸點 (上層) :
枝豆玉子燒好鮮味, 清淡得黎食到蛋香. 起初還以為抹茶味玉子燒, 服務員一介紹完就明白了.
腐皮三文治, 腐皮炸到脆身做成三文治的包, 都幾特別, 而內餡的三文魚過熟帶腥, 夾青瓜同醃黃瓜好日式feel, 但味道不討好.
北海道芝士配脆餅, 三文魚芝士條. 芝士軟身濃郁帶甘, 有微微芝士香味, 配脆餅好好味.
三文魚芝士條煙韌香口, 好好咬口既零食.
大蝦紙米卷, 有少少越南野feel, 蝦夾著香料, 應該係紫蘇葉既清香, 立即變返日式風味.
大蝦爽口彈牙好味.
甜點 (下層) :
朱古力布朗尼, 算輕盈版, 因為布朗尼唔會太實太乾. 朱古力味出又唔會好濃, 食完唔膩.
櫻花紅桑莓慕絲, 酸酸甜甜, 好fresh既甜品, 但就食唔出或冇櫻花味.
日式蕨餅, 我本人最喜歡, 清爽冰涼口感, 軟嫩細緻質感, 帶怡人香氣. (有點似台灣的涼糕)
可點少少黑蜜同食, 但個人就覺得太甜,唔點就甘食都已經好好味.
抹茶窩夫, 紅豆泡夫 配 (柚子蜂蜜, 芝麻cream, 蘋果醬) (盒仔) :
窩夫既抹茶味唔算好濃, 可能都已經飲左特飲, 蓋哂d抹茶味, 不過窩夫做到脆身, 內裡鬆軟已經好好.
反而有興趣係3款醬, 柚子蜂蜜好清香, 最正係用蜂蜜, 因為有d甘甜, 好明顯食出係蜂蜜, 唔係糖醬.
芝麻cream又係好中意, 輕身既cream唔膩, 而且芝麻味好濃.
另外蘋果jam都好得我歡心, 清香好, 好日式果jam感覺. 3款都做得甘好, 好想帶回家配麵包.
紅豆泡夫, 就比較普通, 泡夫已淋哂, 好彩紅豆餡微甜, 啖啖紅豆味, 個餡都算唔錯.
可可抹茶:
飲唔出可可味, 不過抹茶特飲黎講, 抹茶味好濃郁特出, 而且甜甜地, 好好飲.
牛奶抹茶:
友人點既牛奶抹茶, 同樣抹茶味好夠, 而且甜度可自行調教, 幾好.
當日比較熱, 所以揀左特飲, 但見試利招園熱綠茶同抹茶特飲既人數比較一半半, 所以都係揀左特飲一試.
******************************
下午茶由2:30-5:30pm, 我同友人太健談, 都傾到5:30.
我地結帳後還想傾多陣, 服務員請我地坐餐廳外的等待位, 坐得好舒服, 還送上熱茶, 太貼心了, 我地約6:00pm就離開.
Post
