素悅軒

Open Now

Now Closed

真漢子大年初二嚟到荃灣出名嘅素食車仔麵「素悅軒」朝聖，老闆話因為比人捉到要罰 $6000 所以而家冇得坐巷仔，坐返入細鋪仔所以搭枱係在所難免。新春期間每碗麵多收 $10（營業時間唔記得睇添，sor 😅）。第一次食但由於餸嘅選擇唔多，所以都冇選擇困難嘅問題。餸清晰哋分開為純素定蛋奶素，炸薯片個個都話要食，梗係要叫啦。另外叫咗平時車仔麵較少食到嘅素叉燒同牛蒡扒。湯底揀咗肉骨茶，麵底就食河粉。☺️真漢子並冇食過正宗嘅肉骨茶，呢度嘅肉骨茶冇想像中咁咸，但有濃濃嘅藥材味道，可以直接飲，配埋索湯嘅河粉食非常好味。不過河粉就煮得超淋，未必人人鍾意。🙃叉燒就唔算好驚艷，口感亦較淋唔似叉燒，但味道都 okay 嘅。牛蒡扒應該煎過所以好香口，食落亦好彈牙，非常推介。👍🏻嗱到戲肉就係大家都讚嘅炸薯片喇，爽口嘅薯片即叫即炸，薄薄嘅外層脆卜卜，可謂外脆內爽。加咗啲椒鹽响面，初初食覺得好惹味，但後尾覺得似乎冇咗啲鹽冇咁咸，更食到薯味。😋唔知有冇人食到想 encore 呢？問咗老闆另外叫多份都係 $15，麥當勞散嗌一塊薯餅都係差唔多喎，但呢度有三塊，好抵食呀。😛當然仲要提吓佢哋好有善心，會定期派飯盒比有需要嘅人士。店