巧興麵食店

Open Now

Now Closed

成日喺網上面推介呢間位於土瓜灣安徽街嘅餃子店，因為喺附近返工所以決定行黎試下，遲啲嚟呢到應該好方便，因為隔離有個沙中線地鐵😅出口～店舖細細，枱亦都唔多，佢菱形咁擺有啲搞笑。我自己唔鐘意食餃子🥟，所以次次都係食佢個雞絲涼麵，配凍豆漿。同行友人就叫餃子。個涼麵好大好多料下，唔算超級凍，好多雞絲(條)，青瓜絲同籮白絲，仲有啲芝麻係面，佢個醬比較厚比較濃，唔似麻醬，反而係花生醬？🧐但又唔完全係，比較特別！個麵質都幾彈牙較粗，食完真係超級飽，其實我咁大細都試過食唔哂。🙈建議同朋友share會好啲，試埋其他嘢食。但涼麵都好食嘅。有朋友食擔擔麵，個麵質好淋，而且好似太多花生味，有啲奇怪，我自己麻麻。餃子就無食了。整體來説都算平，但環境就一般啦，可以一試。