備長

Open Now

Now Closed

契妹剛從美返港，週三晚即相約見面，送贈其鄉下特產之零食。小肥契哥都好識做地請食日本菜，地點就由佢喺澳門逸園中心眾多選擇中揀咗二十六樓o既「備長」。細佬踏正六點到步，剛好係晚市第一個客人，八點前離座時卻全店滿座，仲開始翻枱添，賽馬日都冇影響生意可謂信心o既保證。餐廳右方有個壽司吧。中間o既散座全為合併式木造枱櫈，簡潔清爽。埋位先有熱茶一杯。再送上乾濕紙巾，感覺衞生得很。硬皮餐牌合共有八頁之多。另附一頁刺身餐牌。及兩頁飲品餐牌。兩口子點好菜式，溫婉o既妹妹先送上三款調味及餐前小食。小食為爽脆o既雜菜，$28一碗。溫泉蛋牛油果沙律（$68）：沙律所選用o既蔬菜新鮮爽脆，混入麻醬已夠芳香惹味，再撈埋隻溫泉蛋即倍添滑溜，！特上什錦刺身六點（$298）：共有六款o既什錦刺身每款同樣有三件，擺盤成盆花咁靚，外觀先值滿分。帶子質感軟嫩，唯一以檸檬隔住就搶走咗帶子本身o既味道。油甘魚爽厚鮮甜，潤澤肥美。北寄貝都好脆口。滑嘟嘟o既甜蝦則爽潤清甜。三文魚鮮濃軟潤。海膽幼嫩柔滑濃甜。雞皮串燒（$25/串）：熱辣辣o既雞皮串燒外脆內軟滑，食落一啲都唔油膩，個人誠意推介！鹽燒雞翼（$32/串）：雞翼皮脆肉嫩，一樣