Video
Read full review
2023-04-29
752 views
花貝日式料理位於銅鑼灣，係一家主打懷石料理嘅日式餐廳！除咗Omakase同埋懷石料理之外，散叫嘅熟食items都一樣咁精緻同埋美味，當中嘅串燒更加係驚艷，質素之高令人一試難忘！日本A5和牛粒串燒 $168｜免治雞肉棒串 $58以日本宮崎A5和牛製作嘅串燒，入口香郁美味，和牛嘅油脂甘香喺口中爆發，實在太美妙！免治雞肉棒嘅濃厚醬汁，加埋生蛋黃，帶來滿足感！白鱔串 $68｜雞胸軟骨串 $38｜豚肉露筍串 $48白鱔燒得夠香口，魚肉爽身甜美！三角軟骨脆口，都幾過癮！豚肉露筍串嘅size都頗大，同時嚐到豚肉嘅肉香同埋露筍嘅清新！雜錦壽司（上） $488由是日精選嘅魚料製作而成嘅壽司拼盤，壽司飯口味帶甜，飯粒富黏性，隨意夾起嚟影相都唔會散！有體型巨大嘅加拿大海膽、軟糯甜美嘅赤蝦配清爽嘅海葡萄、爽口彈牙嘅赤貝、鮮甜可口嘅水八爪配竹炭鹽、淡雅清甜嘅真鯛配辣蘿蔔蓉、肥美嘅池魚、油香感滿滿嘅炙燒竹籤魚、同埋魚味濃郁嘅中拖羅配wasabi漬！雜錦刺身（上） $988由是日精選嘅刺身拼盤，比壽司拼盤再多幾款新鮮嘅魚料！有油脂豐盈劍魚腩、實結甜美嘅伊佐木、肥美兼魚味鮮甜嘅鰤魚、仲有醬香滿滿嘅吞拿魚醬油漬！簡直係
花貝日式料理位於銅鑼灣，係一家主打懷石料理嘅日式餐廳！除咗Omakase同埋懷石料理之外，散叫嘅熟食items都一樣咁精緻同埋美味，當中嘅串燒更加係驚艷，質素之高令人一試難忘！
日本A5和牛粒串燒 $168｜免治雞肉棒串 $58以日本宮崎A5和牛製作嘅串燒，入口香郁美味，和牛嘅油脂甘香喺口中爆發，實在太美妙！
免治雞肉棒嘅濃厚醬汁，加埋生蛋黃，帶來滿足感！
白鱔串 $68｜雞胸軟骨串 $38｜豚肉露筍串 $48白鱔燒得夠香口，魚肉爽身甜美！
三角軟骨脆口，都幾過癮！
豚肉露筍串嘅size都頗大，同時嚐到豚肉嘅肉香同埋露筍嘅清新！
雜錦壽司（上） $488
由是日精選嘅魚料製作而成嘅壽司拼盤，壽司飯口味帶甜，飯粒富黏性，隨意夾起嚟影相都唔會散！
有體型巨大嘅加拿大海膽、軟糯甜美嘅赤蝦配清爽嘅海葡萄、爽口彈牙嘅赤貝、鮮甜可口嘅水八爪配竹炭鹽、淡雅清甜嘅真鯛配辣蘿蔔蓉、肥美嘅池魚、油香感滿滿嘅炙燒竹籤魚、同埋魚味濃郁嘅中拖羅配wasabi漬！
雜錦刺身（上） $988
由是日精選嘅刺身拼盤，比壽司拼盤再多幾款新鮮嘅魚料！有油脂豐盈劍魚腩、實結甜美嘅伊佐木、肥美兼魚味鮮甜嘅鰤魚、仲有醬香滿滿嘅吞拿魚醬油漬！簡直係大滿足！
燒沙甸魚苗乾 $98
壓成薄片嘅沙甸魚苖烤到香脆可口帶咸香，係一流嘅佐酒小食！凍日本蕃茄配柚子汁 $98
日本嘅水果蕃茄真係無得輸，香甜、多汁、又開胃！
Post
