得鐵板燒 (Closed)

刺身安格斯鐡板二人套餐 $838 龍蝦明太子沙律、雜錦刺身拼盤（吞拿魚、三文魚、帆立貝、牡丹蝦等）大虎蝦、法國鵝肝、美國頂級安格斯肉眼、日式炒飯、雜菌炒野菜、麵豉湯、雪糕一行幾人揀左鐵板燒座位，可以一邊食一邊欣賞師傅手藝。龍蝦明太子沙律絕不欺場，大大件明太子配埋新鮮沙律菜待別開胃。雜錦刺身拼盤豐富，吞拿魚口感柔軟，帆立貝大粒鮮甜，仲有款味道較淡口的白魚幾特別。虎蝦Size有成個手掌咁長，蝦頭蝦身分開煎，蝦肉質感爽口，蝦膏甘香。鵝肝滑腴肥嫩，入口溶化，不過配麵包有點失色，有多士就更好。鵝肝口感細緻綿密，滑膩即化，忍唔住要食多件~炒飯過程更係一門表演，將炒香牛肉的脂肪用作油，見到每粒米飯粒粒分明，加埋香蔥、雞蛋炒至金黃色，香味樸鼻，口感彈牙，幾飽都可以再食多碗。