Video
Read full review
2013-05-06
31 views
一家大細去食日式放題，去左試銅鑼灣新開的一寿司料理，貪佢可以訂到枱同埋幾就腳，一行人6點半就到左，人不太多地方都算大，侍應人數亦不少但眼見個個都好忙，動作超快！好好笑係我哋都未座好就已經有一碟刺身併盤放底左，小朋友重叫住那住哥哥話我哋重未叫嘢食喎，呢個唔係我哋架……佢哋真係小食放題所以有點大鄉理添……嘻嘻！食過預設那一碟刺身大家都分別拎住不同的 order form 點嘢食，小朋友當然係拎住張天婦羅 form，居然將全部款點哂……有海老、南瓜、番薯、多春魚 and 冬菇，另外亦點左個日式炒烏冬比佢哋，呢啲類別一般都係比較耐先會做好，但今日卻很快就送到，各款天婦羅都炸得好鬆脆，尤其是多春魚最好味，一啲都唔腥就連小朋友都話好好味，當然炸蝦亦係佢哋最愛，蝦夠大隻之餘啲肉亦彈牙有蝦味，我最怕就係食炸蝦但隻蝦全無蝦味，小朋友們都要 encore 再點多春魚同炸蝦天婦羅呢！另外都點左大量的爐端燒尤其係牛舌、雞翼、甜粟米、迷你甜番著、翠肉瓜and 有機菠蘿，當中的雞翼及甜粟米就最受歡迎，雞翼沒有一點燒燶而且啲肉是全熟的，味道亦很好，咸度適中，大家都食都停唔到口 (其實我哋好怕啲燒到表面燶燶的但內裡的
食過預設那一碟刺身大家都分別拎住不同的 order form 點嘢食，小朋友當然係拎住張天婦羅 form，居然將全部款點哂……有海老、南瓜、番薯、多春魚 and 冬菇，另外亦點左個日式炒烏冬比佢哋，呢啲類別一般都係比較耐先會做好，但今日卻很快就送到，各款天婦羅都炸得好鬆脆，尤其是多春魚最好味，一啲都唔腥就連小朋友都話好好味，當然炸蝦亦係佢哋最愛，蝦夠大隻之餘啲肉亦彈牙有蝦味，我最怕就係食炸蝦但隻蝦全無蝦味，小朋友們都要 encore 再點多春魚同炸蝦天婦羅呢！
另外都點左大量的爐端燒尤其係牛舌、雞翼、甜粟米、迷你甜番著、翠肉瓜and 有機菠蘿，當中的雞翼及甜粟米就最受歡迎，雞翼沒有一點燒燶而且啲肉是全熟的，味道亦很好，咸度適中，大家都食都停唔到口 (其實我哋好怕啲燒到表面燶燶的但內裡的肉依然是有血水滲出的)，講埋粟米真係名符其實的超甜，多汁到彈到旁邊嫲嫲的手上呢……哈哈！大家都笑左…..呀，嫲嫲就最愛吃個牛舌同翠肉瓜，牛舌好林身而且重好香，翠肉瓜因為表面添左一層芝士就更加帶出左本身的清甜味，整碟都被她一人吃光了。差啲講漏左個有機燒菠蘿，極香的菠蘿味加上酸甜適中，表面有少許的乾但咬落時啲汁簡直喺口中爆出黎，嗰份 refresh 感覺令你又胃口大開！
今日為爺爺嫲嫲特意點左三文魚頭鍋、燒秋刀魚、燒鯖魚 and 蒜香三文魚骨腩的全魚部份，三文魚頭鍋物入面有豆腐及菜作配料，湯底奶白色加上三文魚頭確然係好甜，嫲嫲給了滿分！爺爺就最愛個蒜香三文魚骨腩送啤酒真係絶配，蒜味沒有蓋過魚味係重點，炸得香口之餘味道亦調得很好！
講左咁耐梗係要講番今日的主角刺身類，整體新鮮不在話下，當中全是上價的選材，雙重口感的希靈魚是哥哥最愛，松葉蟹棒及海螺片是我今天重點 order 的類別，海螺片的鮮甜實在好難用文字所形容，食極都唔夠的感覺令我哋 order 左一 round 海螺片，真係好好好味，雖然甜蝦係 Daddy 今天最愛但最後都被海螺片的鮮甜攻陷了，爽甜脆口的海螺片被稱為 Sashimi of the day!!!
差啲忘記左弟弟最愛的 yogurt and ice-cream…...想不到有4款味道同埋好款 toppings 提供，搞到弟弟有藉口走左4轉，因為佢要試哂全部味道跟住向大家推介，結果當然係推介了全部4款啦……咁都比佢古惑成功！我就最愛原味 yogurt。
最抵讚就係食物上得好快，而且全部都係熱騰騰送上，令我哋可以不斷哋食食食！嘻嘻！一家大細都各有所好，可以照顧到不同年齡層的喜好，以後食飯又多了一個選擇。
Post
