Video
Read full review
2021-07-01
615 views
咁啱朋友俾左幾張海港城餐飲coupons我，諗住出去食下貴野啦，但個日已經係啲coupons嘅過期前一日，想食嘅間間都full booking，仲要連walk in都唔俾。見到呢間有人排就排下啦，等左30分鐘就入得。呢度對住個無敵大海景，自然光透入黎營造左一個好開揚嘅感覺。週末呢度淨係提供brunch menu，咁相對平日嘅lunch menu貴百幾蚊左右，不過就多一個course。呢度係食松露嘅專門店，所以每一道菜都會有松露嘅成份。我哋前菜分別叫左一個香煎鵝肝同埋巴馬火腿配無花果。呢两樣都係要另外加錢的。佢嘅鵝肝好肥美，仲要好香油脂味，一放入口啲油就咇晒出嚟，口感都好滑。為左中和油膩感，佢仲配左用紅酒燴嘅蘋果喺旁邊，爽脆嘅口感同酸甜嘅味同份鵝肝形成好大對比，但正正係咁先至夾得天衣無縫。巴馬火腿同無花果都係用左同一set formula去配搭，巴馬火腿嘅咸香同咬勁夾無花無果嘅清新同柔軟，又係一個絕配。作為前菜，兩樣都係運用左水果嘅清爽打頭陣，設計滿分！餐湯我哋都揀左松露牛肝菌濃湯，佢個湯打得好滑同埋好重蘑菇香味。如果成碗都係啡色視覺上冇咁好睇，餐廳仲專登喺面打左一層白色嘅泡泡，即刻靚仔
呢度係食松露嘅專門店，所以每一道菜都會有松露嘅成份。我哋前菜分別叫左一個香煎鵝肝同埋巴馬火腿配無花果。呢两樣都係要另外加錢的。佢嘅鵝肝好肥美，仲要好香油脂味，一放入口啲油就咇晒出嚟，口感都好滑。為左中和油膩感，佢仲配左用紅酒燴嘅蘋果喺旁邊，爽脆嘅口感同酸甜嘅味同份鵝肝形成好大對比，但正正係咁先至夾得天衣無縫。
香煎鵝肝.紅酒蘋果.野莓醬.松露
11 views
0 likes
0 comments
意大利風乾火腿.無花果.松露
11 views
0 likes
0 comments
餐湯我哋都揀左松露牛肝菌濃湯，佢個湯打得好滑同埋好重蘑菇香味。如果成碗都係啡色視覺上冇咁好睇，餐廳仲專登喺面打左一層白色嘅泡泡，即刻靚仔哂，擺盤上都冇少花功夫。
牛肝菌濃湯.松露
17 views
0 likes
0 comments
反而去到主菜就有啲失望，我叫左澳洲m6和牛三文治，原本喺我腦海入面想像嘅係厚切嘅和牛啦，點知原來係碎到冇得再碎嘅牛肉片，上到黎我仲以為佢上錯左添，仲要两塊包燒燶到黑哂，360度點影都救唔到個種黑。食落個包係幾脆嘅，不過燒到咁唔脆都難。仲要啲肉缺乏肉汁，本身醬汁又唔多，搞到成舊野都好乾，仲要配菜係幾塊薯片，乾上加乾。
澳洲m6和牛三文治.松露蛋黃醬.焦糖洋蔥.松露
21 views
0 likes
0 comments
澳洲m6和牛西冷.松露
20 views
0 likes
0 comments
個日嘅甜品係朱古力慕絲，上面有啲果仁咁，甜到我食左一舊就停左手。
24 views
0 likes
0 comments
雖然佢每碟菜都有片幾片松露上碟，但作用唔大，只係視覺上見到有松露，味覺上就唔係好感覺到。用完coupons最後埋單都要千幾蚊，如果正價食更加唔抵。
Post
