Video
Read full review
2024-01-28
117 views
聖誕嚟呢度試佢哋個Festive Tasting Menu，每位328蚊有3 courses，我哋叫咗2個set，不過估唔到前菜出色過主菜，細佬最欣賞佢哋嘅餐包😝，2個前菜我都鍾意，最後驚唔夠食叫多個carbonara但麻麻地：🐟Cured Salmon煙三文魚配刁草酸忌廉汁，呢個配搭不嬲都係我最愛，加埋sourdough一齊食，酸酸地又有煙三文魚嘅香，得👍🏼🐙Grilled Mediterranean Octopus呢個都係好好食，八爪魚完全唔靭，薯仔皮好香口，哥哥自己食咗一個仲搶晒成條八爪魚。🐮Beef Wellington 整體唔錯，牛肉都好嫩，但係要另加$98嚟講，我覺得可以厚返少少🤏😂🦞Lobster Ravioli 我一直都好鍾意食ravioli，直頭會買嚟自己喺屋企整嚟食，所以見到有一定第一時間叫。佢都有啲龍蝦肉，ravioli配tomato sauce，要另加$88無問題因為有龍蝦肉嘛，但我覺得一般，蕃茄醬有啲酸，蓋過咗個ravioli，不過啱小朋友食因為全部係熟嘢😅🍝Spaghetti Carbonara 賣相可以但味道唔得🫠carbonara又係我嘅其中一個至愛，但
🐟Cured Salmon
煙三文魚配刁草酸忌廉汁，呢個配搭不嬲都係我最愛，加埋sourdough一齊食，酸酸地又有煙三文魚嘅香，得👍🏼
🐙Grilled Mediterranean Octopus
呢個都係好好食，八爪魚完全唔靭，薯仔皮好香口，哥哥自己食咗一個仲搶晒成條八爪魚。
🐮Beef Wellington
整體唔錯，牛肉都好嫩，但係要另加$98嚟講，我覺得可以厚返少少🤏😂
🦞Lobster Ravioli
我一直都好鍾意食ravioli，直頭會買嚟自己喺屋企整嚟食，所以見到有一定第一時間叫。佢都有啲龍蝦肉，ravioli配tomato sauce，要另加$88無問題因為有龍蝦肉嘛，但我覺得一般，蕃茄醬有啲酸，蓋過咗個ravioli，不過啱小朋友食因為全部係熟嘢😅
🍝Spaghetti Carbonara
賣相可以但味道唔得🫠carbonara又係我嘅其中一個至愛，但佢好淡味，有幾片黑松露都救唔到碟嘢…
🍰 Black Forest Christmas Log
呢個好食，好夠朱古力味，cream都唔漏👍🏼
🥐Pane e Latte Croffle
正常嘢，畢竟佢哋都出名pastry，但menu寫配果肉，但我只食到果醬，果肉在哪？😅呢個小朋友鍾意食。
再叫咗2杯飲品，爸爸杯lemonade 我無試，但我杯熱朱古力好淡好淡好淡😢
餐廳打卡係一流，今年仲set晒粉紅聖誕裝飾，我哋都影咗好多相，同埋staff態度好好，會同小朋友玩，又俾顏色筆小朋友畫公仔，所以我會再去。
Post
