Prohibition 扒房．酒吧

Open Now

Now Closed

『前菜都可吃到飽的西式菜 』之前同朋友試過覺得好好食今次再encore !! 因為另一半話好想食啲特別菜式～所以帶佢去試試黃竹坑呢間叫做<Prohibition 扒房．酒吧>嘅西式餐廳👐🏻好彩我哋有訂定位先，夜晚walk in 已經full哂😳🔸炒雜菜有我哋最愛嘅西蘭花同法邊豆，份量剛好！大量清新脆口嘅蔬菜，香濃嘅醬汁，越食越開胃，剩係食炒雜菜已經有飽肚感！🔹原條深海龍脷配檸檬牛油汁係我嘅最愛！龍脷肉質鮮嫩彈牙，搭配檸檬牛油汁酸甜，越食越滋味，清新又香魚油味，加上金黃煎香嘅外層，簡直令人難以抗拒🔸西班牙伊比利亞黑毛豬鞍架配焦糖燴蘋果：豬肉肉質幼嫩好多汁，每啖都帶有濃郁嘅豬油香氣。焦糖燴蘋果更帶嚟驚喜，口感甜蜜，加上蘋果嘅清新味道，同豬肉非常夾，必食之選🔹燒青蘆筍真係極推薦！青蘆筍經過燒烤後，表面微焦，內裡仲保持住咁脆嘅口感。作為配菜。輕輕一咬，青蘆筍嘅清甜味道散發岀嚟。將主菜嘅味道昇華我哋食完都話食物賣相靚之餘仲好好味，店員又友善好客，大力推介～