Video
Read full review
2005-04-04
37 views
好耐之前已經聽過呢個燒烤場,昨天相約友人聚舊就揀o左呢度試試....先講位置,白石係o係西沙公路馬鞍山端的附近,駕車的話從馬鞍山往西貢方向走(但不要上T7),未到西沙公路會見到白石牌,沿指示去就搵到。環境方面very good!! 無敵大海景, 分有蓋位及露天位, 起碼都可以容納幾百人。爐同爐之間有一定的空間,比起龍鼓灘的各個燒烤場都闊落。交通就唔係幾方便,公車就只有大學站接駁巴士,不過駕車就好好,因有大量免費車位。食物唔係自助形式,即唔係任食,有一至八人套餐,平均都要六十至七十蚊一位。食物質素就真係麻麻,我地一行八人,冇叫套餐,散叫o左o的standard o既燒烤食物同兩隻乳鴿。扒類好普通,雞翼就完全未溶雪,亦醃得唔夠耐,冇乜味。丸類屬於街巿最平貨色。最離譜係腸仔,要$20一包,係平時買開o既三倍價錢!!!老實講,黎到比你賺係預o左,但貴成咁唔多合理.....一致讚好o既係咖哩魷魚,咖哩香而且入味,魷魚亦好新鮮。乳鴿$38蚊一隻,又係普通貨色,不過未試過所以試下。呢度仲有原隻燒乳豬($199),都見到好多人燒,有埋個架比你轉轉o下,邊玩邊燒都幾過癮.........要一提o既係要收
先講位置,白石係o係西沙公路馬鞍山端的附近,駕車的話從馬鞍山往西貢方向走(但不要上T7),未到西沙公路會見到白石牌,沿指示去就搵到。
環境方面very good!! 無敵大海景, 分有蓋位及露天位, 起碼都可以容納幾百人。爐同爐之間有一定的空間,比起龍鼓灘的各個燒烤場都闊落。
交通就唔係幾方便,公車就只有大學站接駁巴士,不過駕車就好好,因有大量免費車位。
食物唔係自助形式,即唔係任食,有一至八人套餐,平均都要六十至七十蚊一位。
食物質素就真係麻麻,我地一行八人,冇叫套餐,散叫o左o的standard o既燒烤食物同兩隻乳鴿。扒類好普通,雞翼就完全未溶雪,亦醃得唔夠耐,冇乜味。丸類屬於街巿最平貨色。最離譜係腸仔,要$20一包,係平時買開o既三倍價錢!!!老實講,黎到比你賺係預o左,但貴成咁唔多合理.....一致讚好o既係咖哩魷魚,咖哩香而且入味,魷魚亦好新鮮。乳鴿$38蚊一隻,又係普通貨色,不過未試過所以試下。呢度仲有原隻燒乳豬($199),都見到好多人燒,有埋個架比你轉轉o下,邊玩邊燒都幾過癮.........
要一提o既係要收$80開爐費(包兩袋炭、蜜糖同餐具等.....),如果第一次order超過$500就豁免,唔比自攜食物同飲品.......
比起龍鼓灘黎講,呢度勝在環境好同較近巿區,但價錢相對較貴而食物質素又較差,我都係投龍鼓灘一票!
Post