創味坊 (Closed)

平時好鍾意食大快活既焗豬，一黎夠快手，二黎平食但味道唔錯。今次黎左呢間長沙灣創味坊，心思思又想要焗豬，最後都係同樣一試呢到既香茄醬焗豬扒飯，其實都係焗豬飯。一黎到，見到份焗豬個樣焗得唔錯，面頭芝士焗得微焦，而且睇到有唔少洋蔥、青椒、蕃茄等等，睇黎配料上花了唔少心機，唔知主角豬扒又足唔足料呢？豬扒厚切，好厚肉呢，而且肉質唔算韌，都算係軟林，食落唔會有肥膏，否則就會反胃，豬扒可以話係絕唔可以肥！飯果然一定要係炒飯底，飯粒炒得夠乾身，而且都食到淡淡蛋絲味，幾好食！中途叫埋可樂，仲有杯多冰，加埋凍冰冰既可樂，爽啊…見到呢到都有小菜，唔知呢到既小菜水準又如何？睇到隔離檯D餸有D流口水