走肉蔬食研究所 (Closed)

今日行完市集，就去左商場入面嘅一間素食餐廳晚餐，因為唔想成日食肉。餐廳裝修偏向校園風，空間感夠大，採用自助服務形式，所以免收加一服務費。.餐點都好有創意，竟然有鐵板餐、煲仔飯之類。而今次我地就食左兩款新推出嘅母親節走肉菜式，味道唔錯，而且夠晒健康。.無可能系黃金素球選用Impossible植物肉加上豆腐煮成。植物肉含動物肉營養，而且不含動物激素、抗生素等，非常健康。外皮炸得好酥脆，入邊口感軟滑，唔講都唔知係素肉；再點埋個甜酸醬，幾醒胃。.片皮鴨配薄餅雜菜賣相真係好靚，好colorful。食落嘅味道同真嘅片皮鴨都好似，再配上青瓜絲，蘿蔔絲，洋蔥絲、青瓜絲，非常健康，食多幾件都唔怕。.另外，白飯和是日糖水:椰汁芋頭西米露都是任裝，還有自助沙律吧。自助沙律吧分別有：粟米、蕃茄仔、沙律菜、薯仔沙律、麻辣青瓜、麻辣紅薯粉、青紅蘿蔔絲、紅腰豆。我最鍾意食薯仔沙律，都忍唔住食左幾轉。.飲品叫咗菠蘿梳打冰和荔枝梳打冰，兩杯飲品入邊都有好多生果，夠晒清涼解渴。